लातूर, 7 डिसेंबर (हिं.स.)।
पोक्सो अंतर्गत गुन्हा दाखल करून लातूर शहर पोलीसांकडून दोन कॅफे चालकांना अटक करण्यात आली आहे.
याबाबत अधिक माहिती अशी की,पोस्टे शिवाजी नगर, लातूर गुरनं. ४६८/२०२५ क. १३७ (२) बीएनएस प्रमाणे दि.०४/१२/२०२५ रोजी एका अल्पवयीन पिडीत मुलीस अज्ञात इसमाने फूस लावून पळवून नेल्याचा गुन्हा दाखल आहे.सदर गुन्हयाचे तपासात मसपोनि/सुप्रीया केंद्रे यांनी तात्काळ पिडीत मुलीचा शोध घेवून दि.०४/१२/२०२५ रोजी
तिच्याकडे विचारपुस केली असता तिने जवाब दिला की,आरोपी नामे रिहान गुलाब शेख, वय १८ वर्षे, रा.सेलु, ता. औसा, जि.लातूर याने जबरदस्तीने पळवून नेवून तिचेवर कॅफे डेली ग्रीन्ड, खर्डेकर स्टॉप, ओसा रोड लातूर व एस.पी. कॅफे डेअर, खाडगाव टी पॉइंट जवळ,रिंग रोड लातूर येथे घेवून जावून जबरी संबंध ठेवले. त्यावरून सदर गुन्हयात कलम ६४,६५,६९,३५१(२) बीएनएस सह कलम ४, ६, ८, १२ पोस्को सह कलम 3(1) (W), 3(2) अ.जा.ज.अ.प्र.का १९८९ प्रमाणे कलमवाढ झाल्याने गुन्हयाचा तपास समीरसिंह साळवे, उपविभागीय पोलीस अधिकारी,लातूर शहर यांचेकडे वर्ग झाला.
तपास अधिकारी समीरसिंह साळवे यांनी तपासा दरम्यान अल्पवयीन पिडीतेवर जबरदस्ती करणाऱ्या आरोपीस दि.०४/१२/२०२५ रोजी अटक करून दि.०५/१२/२०२५ रोजी मा. न्यायालयात हजर केले असता न्यायालयाने आरोपीस ०३ दिवसाची पोलीस कोठडी रिमांड मंजुर केला. त्यानंतर गुन्हयात पिडीतीवेर जबदस्ती करण्यासाठी जागा उपलब्ध करून गुन्हा करण्यास प्रेरणा देणारे कॉफीशॉप चालक आरोपी नामे १) सुरज राजेश ढगे, वय २९ वर्ष, व्यवसाय एस.पी. कॅफे डेअर, खाडगाव टी पॉइंट जवळ, रिंग रोड लातूर, रा.द्वारकापुरी अपार्टमेंट, खाडगाव रोड, लातूर २) अनिकेत अजय कोटुळे, वय २७ वर्षे, व्यवसाय कैफे डेली ग्रीन्ड, खंडेकर स्टॉप, औसा रोड लातूर रा.साई रोड, लातूर हे निष्पन्न झाल्याने गुन्हयात कलम १७ पोक्सो हे वाढवून त्यांना दि.०५/१२/२०२५ रोजी अटक करून तिन्ही आरोपीना न्यायालयात हजर केले असता न्यायालयाने त्यांचा दि.०८/१२/२०२५ पर्यंत पीसीआर मंजूर केला आहे.सदर गुन्हयात मोबाईल फॉरेन्सीक व्हॅनच्या सहाय्याने तांत्रीक पुरावे हस्तगत करण्यात आले आहेत. गुन्ह्याचा अधिक तपास चालु आहे.
सदरची कामगिरी पोलीस अधीक्षक अमोल तांबे, मंगेश चव्हाण, अपर पोलीस अधिक्षक यांच्या मार्गदर्शनाखाली समीरसिंह साळवे श्रीमती सुप्रिया केंद्रे,महेश पारडे, गणेश मोरे, मिलींद कांबळे, पांडुरंग सगरे,राहुल क्षिरसागर, फॉरन्सीक टीमचे अर्जुन मुळे, श्रुती पंचगल्ले यांनी केली आहे.
लातूर जिल्हा पोलीस दलातर्फे आवाहन
अल्पवयीन मुलींना फुस लावून पळवून नेऊन त्यांच्यावर लैंगिक अत्याचार करणाऱ्या आरोपींना गुन्हा करण्यासाठी मदत करणारे मित्र,नातेवाईक तसेच लॉज, कॅफे , हॉटेल, कॉफी शॉप मालक व चालक यांच्यावर देखील पॉक्सो कायदा अंतर्गत गुन्हे दाखल करून त्यांना देखील गुन्ह्यात सह आरोपी करून अटक करण्यात येत आहे.
तरी सर्व लॉज,हॉटेल,कॅफे,कॉफी शॉप चालक व मालक यांना आवाहन करण्यात येते की आपण जर आरोपींना गुन्हा करण्यासाठी जागा उपलब्ध करून दिल्यास, त्यांना कोणत्याही प्रकारची मदत केल्यास तसेच आपणास गुन्ह्या संदर्भाने माहिती असून देखील त्याबाबत माहिती लपविल्यास आपणा विरुद्ध देखील पॉक्सो व तत्सम कायदा अंतर्गत कारवाई करून सदर गुन्ह्यात सह आरोपी करून अटक करण्यात येईल.
हिंदुस्थान समाचार / Mahesh Madanrao Chitnis
