अकोला, 9 डिसेंबर (हिं.स.) : केंद्र शासनाच्या स्टँड अप इंडिया योजनेअंतर्गत महाराष्ट्र राज्यातील योजनेमध्ये पात्र ठरलेल्या अनुसूचित जाती व नवबौद्ध समाजाच्या घटकांककरीता सवलतीस पात्र नवउद्योजक लाभार्थ्यांची मार्जीन मनी भरण्याची क्षमता नसल्यामुळे या नवउद्योजक लाभार्थ्यांना एकूण प्रकल्प किमतीच्या लाभार्थी यांच्या हिश्यामधील २५ टक्के मधील जास्तीत जास्त १५ टक्के मार्जीन मनी उपलब्ध करून देण्यास मान्यता प्रदान करण्यात आली आहे.

सदर योजने अंतर्गत महाराष्ट्र राज्यातील अनुसूचित जाती व नवबौद्ध समाजाच्या घटकांमधील सवलतीस पात्र नवउद्योजक लाभार्थी यांनी प्रकल्प रकमेच्या १० टक्के स्वहीस्सा भरणा केल्यानंतर व कर्ज मंजूर करणा-या बंकीने अर्जदारास स्टँड अप इंडिया योजनेअंतर्गत ७५ टक्के कर्ज मंजूर केल्यानंतर उर्वरित फ्रंट एंड सबसिडी १५ टक्के राज्य शासनामार्फत देण्यात येईल. सदर योजनेचा लाभ स्टँड अप इंडिया योजने अंतर्गत पात्र ठरलेल्या लाभार्थ्यांनाच देण्यात येईल, त्यासाठी संबंधित लाभार्थी यांनी सहाय्यक आयुक्त समाज कल्याण यांच्याकडे बँकेच्या शिफारशीसह शासन निर्णय सामाजिक न्याय व विशेष सहाय्य विभाग दिनांक ८ मार्च २०१९, दि. ०९ डिसेंबर २०२० व दि. २६/०३/२०२१. निर्णयातील परिशिष्ट मध्ये विहित केलेल्या विवरणपत्रात कर्ज मंजूर करणा-या बँकेच्या शिफारशीसह अर्ज सादर करणे आवश्यक आहे, अर्जासोबत उद्योग आवश्यक ते सर्व कागदपत्र पत्र जोडणे आवश्यक आहे. करिता सदर योजनेस पात्र लाभार्थी यांनी विहित नमुन्यातील अर्ज परिपूर्ण भरून वर नमूद कागदपत्रासह बँकेच्या शिफारशीसह सहायक आयुक्त समाज कल्याण आकोला या कार्यालयास सादर करावे,असे आवाहन सहाय्यक आयुक्त समाज कल्याण यांचेमार्फत करण्यात येत आहे.

---------------

हिंदुस्थान समाचार / जयेश गावंडे