नवी दिल्ली, 24 नोव्हेंबर (हिं.स) भारत आणि पनामा यांच्यात परराष्ट्र कार्यालय पनामा सिटी येथे चर्चा आयोजित करण्यात आली. भारताच्या बाजूचे नेतृत्व सचिव (पूर्व) सौरभ कुमार यांनी केले आणि पनामाच्या बाजूचे नेतृत्व परराष्ट्र संबंध उपमंत्री व्लादिमीर ए. फ्रँको सौसा होते.

या चर्चे दरम्यान, दोन्ही बाजूंनी व्यापार आणि गुंतवणूक, फार्मास्युटिकल्स, आयसीटी, क्षमता निर्माण, अंतराळ सहकार्य आणि कॉन्सुलर समस्या यासारख्या क्षेत्रांचा समावेश असलेल्या द्विपक्षीय संबंधांचा व्यापक आढावा घेतला. दोन्ही बाजूंनी बहुपक्षीय मंचांवर सहकार्यावरही चर्चा केली. सचिव (पूर्व) यांनी परराष्ट्र मंत्री जनैना टेवाने मेनकोमो यांची भेट घेतली. दोन्ही देशांनी आर्थिक क्षेत्रासह त्यांचे सहकार्य अधिक दृढ करण्याच्या गरजेवर त्यांनी भर दिला आणि आशा व्यक्त केली की, भारतीय कंपन्या अमेरिकेत व्यवसाय करण्यासाठी पनामाच्या स्थानिक आणि लॉजिस्टिक फायद्याचा वापर करतील. दोन्ही बाजूंनी सल्ल्याची पुढील फेरी नवी दिल्ली येथे परस्पर सोयीस्कर तारखेला आयोजित करण्याचे मान्य केले.परराष्ट्र व्यवहार मंत्रालयाने ही माहिती दिली.

हिंदुस्थान समाचार