चंदीगड, 18 मार्च (हिं.स.) : ‘वारिस पंजाब दे’चा म्होरक्या आणि खलिस्थान समर्थक अमृतपाल सिंग याला शनिवारी पंजाब पोलिसांनी अटक केली आहे. यापूर्वी अमृतपालचे 6 साथीदार पोलिसांनी पकडले होते. त्यावेळी अमृतपाल पळून गेला होता, त्याच्या शोधात पोलिसांची अनेक पथके वेगवेगळ्या भागात छापे टाकत होती.

पंजाबच्या रूपनगर जिल्ह्यातील वरिंदर सिंह यांनी लवप्रीत सिंह, अमृतपाल सिंह याच्यासह 30 जणांवर अपहरण आणि मारहाणीचा गुन्हा दाखल केला होता. त्यानंतर लवप्रीतसह एकाला पोलिसांनी अटक केली होती. पण, पोलिसांनी एकास सोडून देत लवीप्रतला जेलमध्येच ठेवले होते. लवप्रीतला सोडण्यासाठी अमृतपालने समर्थकांसह पोलीस ठाण्याबाहेर जाऊन धमकी दिली होती यावेळी अमृतपालचे समर्थक आणि पोलिसांमध्ये मोठी झटापट झाली. यात अनेक पोलीस अधिकारी जखमी झाले होते. पोलिसांच्या 50 हून अधिक गाड्या अमृतपाल आणि त्याच्या साथीदारांचा पाठलाग करत होत्या. पोलिसांनी अमृतपालच्या वाहनांनाही धडक देण्याचा प्रयत्न केला असून त्याच्या लोकेशनच्या आधारे त्याला नाकोदरजवळून ताब्यात घेण्यात आले आहे. यावेळी पोलिसांनी शस्त्रे आणि 2 वाहने जप्त केली आहेत. रविवारी रात्री 12 वाजेपर्यंत पंजाबमधील अनेक जिल्ह्यांमध्ये इंटरनेट सेवा बंद ठेवण्यात आली आहे. अमृतपाल सिंह यांच्यावर तीन गुन्हे दाखल असून त्यापैकी दोन गुन्हे हेट स्पीचशी संबंधित आहेत. सूत्रांनी दिलेल्या माहितीनुसार, धरमकोटजवळील महितपूर पोलिस ठाण्याजवळ पोलिसांनी या 6 जणांना अटक केली आहे.

दरम्यान पंजाब सरकारकडून एक निवेदन जारी करण्यात आले आहे. त्यानुसार सार्वजनिक सुरक्षेच्या दृष्टीने, पंजाबच्या प्रादेशिक कार्यक्षेत्रात सर्व मोबाइल इंटरनेट सेवा, सर्व एसएमएस सेवा (बँकिंग आणि मोबाइल रिचार्ज वगळता) आणि व्हॉईस कॉल वगळता मोबाइल नेटवर्कवर प्रदान केल्या जाणाऱ्या सर्व डोंगल सेवा 18 मार्च ते 19 मार्च दरम्यान बंद राहतील.

हिंदुस्थान समाचार