नवी दिल्ली, 21 मार्च (हिं.स.) : भारतीय नववर्षाच्या पूर्वसंध्येला मंगळवारी दिल्ली एनसीआरसह उत्तर भारतात भूकंपाचे धक्के बसलेत. सुमारे 10 सेकंद जमीन हादरत राहिल्यामुळे लोक घाबरून घराबाहेर पडले होते. दिल्लीसह हरियाणा, पंजाब, उत्तराखंड आणि जम्मू-काश्मीरमध्येही भूकंपाचे धक्के जाणवले. भूकंपाचे केंद्र अफगाणिस्तानात असल्याचे सांगण्यात येत आहे.

यासंदर्भातील माहितीनुसार मंगळवारी 21 मार्च रोजी रात्री 10 वाजून 20 मिनिटानी अचानक जमीन हादरली. प्राथमिक माहितीत या भूंकपाच्या धक्यांमध्ये कोणतेही नुकसान झाल्याची माहिती नाही.दिल्ली-एनसीआरमधील उंच इमारतींमध्ये लोक प्रचंड घाबरले आहेत. लोक त्यांचे अनुभव सोशल मीडियावर शेअर करत आहेत. दिल्ली-एनसीआरमध्ये यावर्षी तिसऱ्यांदा भूकंपाचे धक्के जाणवले आहेत. अचानक सर्व काही हलू लागल्याने लोक भयभित झाले आहेत. त्यामुळे लोक कुटुंबासह घाईघाईने घराबाहेर पडला. एक मिनिटापेक्षा जास्त काळ भूकंपाचे धक्के जाणवल्याची चर्चा सोशल मिडीयावर सुरू आहे.

हिंदुस्थान समाचार