बजाली,

23 नोव्हेंबर (हिं.स.) : आसामच्या बजाली जिल्ह्यात आज, शनिवारी पहाटे रस्त्याच्या कडेला उभ्या असलेल्या ट्रकला व्हॅनने धडक दिल्याने मोठा

अपघात झाला. यामध्ये व्हॅनमधील 5 जणांचा मृत्यू झाला असून दोघे गंभीर जखमी झाले आहे.

यासंदर्भात

पोलिसांनी सांगितले

की, अपघाताला बळी पडलेले लोक रास उत्सव पाहून नलबारी येथील त्यांच्या घरी

परतत असताना भवानीपूर येथे त्यांची व्हॅन एका ट्रकला धडकली. त्यामुळे 5 जणांचा जागीच मृत्यू झाला. तर दोन जखमींना

फखरुद्दीन अली अहमद मेडिकल कॉलेज आणि हॉस्पिटलमध्ये दाखल करण्यात आले असून त्यांची

प्रकृती चिंताजनक असल्याचे सांगण्यात येत आहे. मृतंमध्ये आशिष हबीब खान, मिझानुर रहमान, रॉयल खान, मिजानूर खान आणि

मोइनुल हक यांचा समावेश आहे. तर आमिर खान आणि काझी चक्र अहमद हे दोघे जखमीं असल्याचे पोलिसांनी सांगितले.

----------------------------

हिंदुस्थान समाचार / बाळकृष्ण कोनकर