तिरुअनंतपुरम, 23 नोव्हेंबर (हिं.स.) : काँग्रेस नेत्या
प्रियंका वाड्रा यांचा केरळच्या वायनाड लोकसभा मतदारसंघात 4 लाख 10 हजार
मतांपेक्षा अधिक मतांनी विजय झाला. त्यानंतर त्यांनी वायनाडच्या जनतेचे आभार मानले
आहेत.
या विजयानंतर प्रियंका वाड्रा म्हणाल्या की,
जनतेने टाकलेल्या विश्वासामुळे मी भारावून गेलेय.युनायटेड डेमोक्रॅटिक फ्रंट पक्षाचे सहकारी, केरळमधील नेते, कार्यकर्ते, स्वयंसेवक आणि सर्व
सहकारी ज्यांनी या मोहिमेमध्ये अतुलनीय परिश्रम घेतल्याबद्दल त्यांनी कृतज्ञता
व्यक्त केली तसेच आई सोनिया गांधी, पती रॉबर्ट वाड्रा यांनी दिलेल्या प्रेम आणि धैर्याबद्दल आभार मानलेत.
त्याचप्रमाणे सातत्याने पाठीशी उभे राहिल्याबद्दल प्रियंका वाड्रा यांनी बंधू
राहुल गांधी यांना विशेष धन्यवाद दिले आहेत.
--------------------------
हिंदुस्थान समाचार / मनीष कुलकर्णी
