कोल्हापूर, 23 मे (हिं.स.)। वारणानगर येथील यशवंतराव चव्हाण वारणा महाविद्यालयच्या खेळाडू अनुष्का कृष्णात जमदाडे व हर्षला विजय पाटील (12 वी. विज्ञान) यांची पुद्दूचेरी येथे सुरू असलेल्या जुनियर (१८ वर्षांखालील) राष्ट्रीय अजिंक्यपद बास्केटबॉल स्पर्धेसाठी महाराष्ट्राच्या मुलींचा संघात निवड झाली आहे. दि. २२ मे पासून सुरू झालेली स्पर्धा २७ मे २०२६ चालणार आहे. नाशिक येथे झालेल्या राज्यस्तरीय जुनियर (१८ वर्षांखालील) आंतरजिल्हा बास्केटबॉल स्पर्धेमधून दोघींची महाराष्ट्र संघात निवड झाली.

खेळाडूंना श्री. वारणा विभाग शिक्षण मंडळाचे अध्यक्ष आमदार विनय कोरे, मुख्य कार्यकारी अधिकारी डॉ. व्ही. व्ही. कार्जिन्नी, वारणा महाविद्यालयाचे प्राचार्य डॉ. ए. एम शेख, उपप्राचार्य ए. एम. अतिरकर, वारणा बास्केटबॉल क्लबचे सचिव उदय जाधव यांचे प्रोत्साहन लाभले. यशवंतराव चव्हाण वारणा महाविद्यालयाचे क्रीडाशिक्षक सुहास कंदूरकर, तसेच क्रीडा मार्गदर्शक श्री. तिरु सर, उदय पाटील, रोहित घेवारी व श्री. संग्राम दळवी यांचे मार्गदर्शन लाभले.

---------------

हिंदुस्थान समाचार / VijayKumar Pandurang Powar