भोपाळ, १५ ऑक्टोबर (हिं.स.) - महिला क्रिकेट विश्वचषक २०२५ दरम्यान, भारतीय महिला क्रिकेट संघ बुधवारी सकाळी उज्जैनमधील प्रसिद्ध महाकालेश्वर मंदिरात पोहोचला. महिला क्रिकेटपटू सकाळच्या भस्म आरतीतही सहभागी झाल्या होत्या. आणि भगवान महाकालेश्वरचे आशीर्वाद घेतले. महिला क्रिकेटपटूंसोबत प्रशिक्षक आणि इकर सदस्यही होते.
संघाच्या प्रमुख सदस्यांमध्ये कर्णधार हरमनप्रीत कौर, उपकर्णधार स्मृती मानधना, प्रतीका रावल, हरलीन देओल, दीप्ती शर्मा, रेणुका सिंग ठाकूर, अरुंधती रेड्डी, राधा यादव, श्रीचरणी यांच्यासह इतर खेळाडू आणि प्रशिक्षक आणि कर्मचाऱ्यांचा समावेश होता. यावेळी श्री महाकालेश्वर मंदिर व्यवस्थापन समितीच्या वतीने उपप्रशासक एस.एन. सोनी यांनी भारतीय महिला क्रिकेट संघातील सर्व क्रिकेटपटू आणि सदस्यांचे स्वागत केले आणि त्यांचा सन्मान केला.
दक्षिण आफ्रिका आणि ऑस्ट्रेलियाविरुद्ध सलग दोन पराभवांनंतर भारतीय महिला संघ सध्या महिला क्रिकेट विश्वचषक २०२५ मध्ये गुणतालिकेत चौथ्या स्थानावर आहे. हरमनप्रीत कौरच्या नेतृत्वाखालील भारतीय संघाचे सध्या चार सामन्यांतून चार गुण आहेत, ज्यामध्ये दोन विजय आणि दोन पराभव आहेत. उपांत्य फेरीत स्थान निश्चित करण्यासाठी संघ आता उर्वरित तीन लीग सामने जिंकण्याचा प्रयत्न करेल. भारतीय संघाचा पुढील सामना १९ ऑक्टोबर रोजी इंग्लंड महिला संघाविरुद्ध आहे.
---------------
हिंदुस्थान समाचार / वृषाली देशपांडे
