सोलापूर, 15 ऑक्टोबर (हिं.स.)।मराठा सेवा समाज निवडणुकीत समाजातीलच विरोधकांना चारी मुंड्या चित केल्यानंतर माजी महापौर आणि सेवा मंडळाचे अध्यक्ष मनोहर सपाटे यांनी आपले नेते शरद पवार यांची भेट घेतली. यावेळी सर्वच विजयी संचालकांसह सपाटे त्यांना भेटायला गेले होते. निवडणुकीदरम्यान झालेल्या त्रासाबद्दल सपाट्याने पवार यांना सांगितले असता झालं ना एकदाच असे म्हणून सपाटे यांचे कौतुक केले. तो व्हिडिओ सध्या सोशल मीडियावर व्हायरल झाला आहे. दरम्यान माध्यमांशी बोलताना सपाटे यांनी शरद पवारांच्या भेटीबद्दल सांगताना आगामी महापालिकेच्या निवडणुकीत पूर्ण ताकतीने उतरणार असल्याचे सांगत प्रभाग सहा आणि सात मध्ये राष्ट्रवादी काँग्रेस बाजी मारणार असा दावा केला.

---------------

हिंदुस्थान समाचार / यशपाल गायकवाड