अमरावती, 15 ऑक्टोबर (हिं.स.)।

अमरावती शहरातील लालखडी रिंग रोडवर असलेल्या एका प्लास्टिक कारखान्यात आज सकाळी भीषण आग लागल्याची घटना घडली. या आगीमुळे परिसरात प्रचंड घबराट पसरली. आग इतकी भीषण होती की तिच्या लपटा कंपोस्ट डिपोपर्यंत पोहोचल्या. काही वेळासाठी संपूर्ण परिसर धुराने आच्छादला होता.

या घटनेची माहिती मिळताच अग्निशमन विभागाच्या अनेक गाड्या तात्काळ घटनास्थळी दाखल झाल्या. आगीवर नियंत्रण मिळवण्यासाठी दमकल दलाला बराच वेळ प्रयत्न करावे लागले. अखेर काही तासांच्या अथक प्रयत्नांनंतर आग नियंत्रणात आणण्यात यश आले. सुदैवाने या आगीत कोणतीही जीवितहानी झाली नाही, मात्र लाखों रुपयांचे साहित्य जळून खाक झाल्याचा अंदाज व्यक्त करण्यात येत आहे.

आगीचे नेमके कारण अद्याप स्पष्ट झालेले नाही. प्राथमिक अंदाजानुसार शॉर्टसर्किटमुळे आग लागली असावी, अशी शक्यता वर्तवली जात आहे. पोलिसांनी आणि अग्निशमन विभागाने घटनास्थळी पंचनामा केला असून, यासंदर्भात अधिक तपास सुरू आहे. स्थानिक नागरिक आणि कामगारांनीही मदतीसाठी पुढाकार घेतल्याचे सांगण्यात येते.

---------------

हिंदुस्थान समाचार / अरुण जोशी