लिस्बन, १५ ऑक्टोबर (हिं.स.). पोर्तुगालचा स्टार स्ट्रायकर क्रिस्टियानो रोनाल्डोने आणखी एक मोठा विक्रम रचला आहे. हंगेरीविरुद्धच्या विश्वचषक पात्रता फेरीत त्याने दोन गोल करत इतिहास रचला. ४० वर्षीय रोनाल्डो आता विश्वचषक पात्रता फेरीत सर्वाधिक गोल करणारा फुटबॉलपटू बनला आहे. त्याने ग्वाटेमालाचे माजी आंतरराष्ट्रीय फुटबॉलपटू कार्लोस रुईझ (३९ गोल) यांना मागे टाकत त्याचे ४०वे आणि ४१वे गोल केले.
पाच वेळा बॅलन डी'ओर विजेता रोनाल्डोने २२ व्या मिनिटाला नेल्सन सेमेडोच्या क्रॉसवर गोल करून पोर्तुगालसाठी बरोबरी साधली. त्यानंतर त्याने नुनो मेंडेसच्या पासवरून हाफटाइमपूर्वी २-१ अशी आघाडी घेतली.
विश्वचषक पात्रता फेरीत सर्वाधिक गोल करणारे टॉप तीन फुटबॉलपटू:
१. क्रिस्टियानो रोनाल्डो (पोर्तुगाल) - ४१ गोल
२. कार्लोस रुईझ (ग्वाटेमाला) - ३९ गोल
३. लिओनेल मेस्सी (अर्जेंटिना) - ३६ गोल
---------------
हिंदुस्थान समाचार / वृषाली देशपांडे
