पुणे, 18 ऑक्टोबर, (हिं.स.) - पुणे महानगर प्रदेश विकास प्राधिकरणाने (पीएमआरडीए) तत्कालीन पिंपरी चिंचवड नवनगर विकास प्राधिकरण यांच्या हद्दीतील ४६ भूखंडाचा ई-लिलाव करण्याचा निर्णय घेतला आहे. हे भूखंड ८० वर्षांच्या कालावधीसाठी भाडेपट्ट्याने देण्यात येणार आहे.

या भूखंडामध्ये शैक्षणिक वापराचे ३ भूखंड, वाणिज्य आणि सार्वजनिक सुविधेचे ११ भूखंड, वैद्यकीय वापराचा १ भूखंड, ग्रंथालय आणि संगीत शाळा अशा सार्वजनिक सुविधांसाठी १ भूखंड, फॅसिलिटी क्षेत्रासाठी १ भूखंड आणि ॲमिनिटी स्पेससाठी २९ भूखंड असे एकूण ४६ भूखंड यांचे ८० वर्षांच्या कालावधीसाठी भाडेपट्ट्याने वाटप होणार असल्याची माहिती पीएमआरडीए प्रशासनाकडून देण्यात आली.

---------------

हिंदुस्थान समाचार / भूषण राजगुरु