मुंबई, 19 ऑक्टोबर (हिं.स.)। आयक्यूने आपला नवीन फ्लॅगशिप स्मार्टफोन आयक्यू 15 भारतात नोव्हेंबरमध्ये लाँच करण्याची तयारी सुरू केली आहे. हा स्मार्टफोन गेमिंग आणि तंत्रज्ञानप्रेमींकरिता विशेष बनवण्यात आला असून, त्यात क्वालकॉम स्नॅपड्रॅगन 8 एलिट जनरेशन 5 प्रोसेसर, 7,000mAh बॅटरी आणि अँड्रॉइड 16-आधारित ओरिजिनओएस 6 दिला आहे. आयक्यू इंडियाचे सीईओ निपुण मर्या यांनी एक्स वरून या लॉंचची घोषणा केली आणि “फ्लॅगशिप कामगिरीचा एक नवा अध्याय लवकरच येत आहे!” असे म्हटले.

आयक्यू 15 ची चीनी आवृत्ती Q3 गेमिंग चिपसह सुसज्ज असून, यामुळे गेमिंग कामगिरी सुधारली जाईल, पूर्ण-दृश्य रे ट्रेसिंग सक्षम होईल आणि फ्रेम स्थिरता वाढेल. हा फोन 2K रिझोल्यूशनवर 144fps गेमिंगला समर्थन देईल आणि 8K व्हेपर चेंबर डोम कूलिंग सिस्टमसह येईल, जी आयक्यू 13 पेक्षा 47 टक्के अधिक प्रभावी आहे. डिस्प्लेच्या बाबतीत आयक्यू 15 मध्ये 6.85-इंचाचा 2K LTPO सॅमसंग “एव्हरेस्ट” पॅनल असेल, ज्याचा रिफ्रेश रेट 144Hz आणि पीक ब्राइटनेस 6,000 निट्स आहे, तसेच 3D अल्ट्रासोनिक फिंगरप्रिंट सेन्सर आणि IP68/IP69 रेटिंगसह धूळ आणि पाण्यापासून संरक्षण मिळेल.

बॅटरीच्या बाबतीत आयक्यू 15 मध्ये 7,000mAh क्षमता असून, 100W वायर्ड आणि 50W वायरलेस फास्ट चार्जिंगला समर्थन देईल. कॅमेर्‍यामध्ये ट्रिपल रियर सेटअप आहे, ज्यामध्ये 50MP मुख्य सेन्सर, 50MP पेरिस्कोप टेलिफोटो लेन्स (3x ऑप्टिकल, 100x डिजिटल झूम) आणि 50MP अल्ट्रा-वाइड लेन्स आहे, तर सेल्फीसाठी 50MP फ्रंट कॅमेरा आहे.

''आयक्यू 15'' नोव्हेंबरमध्ये ओरिजिनओएस 6 सह लॉंच होईल. ही नवीन सॉफ्टवेअर आवृत्ती अँड्रॉइड 16 वर आधारित असून, सुधारित वैशिष्ट्ये, अधिक कार्यक्षम वापरकर्ता अनुभव आणि ऑप्टिमाइज्ड कामगिरी देईल. आयक्यू 15 हा स्मार्टफोन गेमिंग, कॅमेरा आणि बॅटरीच्या कामगिरीच्या बाबतीत एक आकर्षक पर्याय ठरेल. चीनमध्ये 20 ऑक्टोबरला होणाऱ्या लाँचदरम्यान या फोनबद्दल अधिक माहिती समोर येईल, ज्यामुळे त्याच्या वैशिष्ट्यांबाबत उत्सुकता अधिक वाढेल.

---------------

हिंदुस्थान समाचार / Suraj Chaugule