छत्रपती संभाजीनगर, 2 ऑक्टोबर, (हिं.स.)। मौजे महालगाव येथे आज विजयादशमीच्या शुभ मुहूर्तावर पंचगंगा शुगर अ‍ॅण्ड पॉवर प्रा.लि. महालगाव साखर कारखाना सन 2025-26 च्या द्वितीय बॉयलर अग्निप्रदीपनाचा शुभारंभ मोठ्या उत्साहात पार पडला.

या साखर कारखान्याचे सभासद शेतकरी तसेच वैजापूर विधानसभा मतदारसंघाचे शिवसेनेचे आमदार रमेश बोरनारे यांच्यासह अनेकांची उपस्थिती होती.

कारखान्याचे चेअरमन श्री. प्रभाकर शिंदे यांनी सपत्नीक बॉयलर अग्नीप्रदीपन केले.

या वेळी आमदार श्री. विठ्ठलराव लंघे, माजी आमदार श्री. भाऊसाहेब पा. चिकाटगावकर, कुंडलिकराव पा. माने, विजय पा पवार, बि. जी. गायकवाड यांच्यासह कारखान्याचे संचालक मंडळ, अधिकारी, कर्मचारी तसेच पंचक्रोशीतील शेतकरी बांधव मोठ्या संख्येने उपस्थित होते.

-

हिंदुस्थान समाचार / Hanumant Madanrao Chitnis