बीड, 5 ऑक्टोबर (हिं.स.)।
राज्यात अतिवृष्टी झाली असल्यामुळे सर्वत्र पुरग्रस्त परिस्थिती निर्माण झाली आहे. सदर परिस्थितीमध्ये शेतकऱ्यांचे व नागरीकांचे न भरुन निघणारे नुकसान झालेले आहे. त्या अनुषंगाने मुख्यमंत्र्यांनी केलेल्या आवाहनानुसार कृषि उत्पन्न बाजार समिती अंबाजोगाईचे कर्मचाऱ्यांनी त्यांचा एक दिवसाचा पगार आणि उर्वरीत बाजार समितीच्या स्वनिधीतून देणगी स्वरुपात आर्थिक मदत करण्यांचा निर्णय घेतलेला आहे.
त्यानुसार कृषि उत्पन्न बाजार समिती अंबाजोगाईचे सभापती तथा राष्ट्रवादी काँग्रेस पक्षाचे जिल्हाध्यक्ष राजेश्वर चव्हाण, सर्व संचालक मंडळ, कर्मचारी या सर्वांनी पुढाकार घेऊन सर्वांचा एकदिवसाचा पगार आणि बाजार समिती स्वनिधी असे एकुण रक्कम रुपये १,००,०००/- पुरग्रस्तांसाठी मुख्यमंत्री सहाय्यता निधी या नावाने चेक क्र. ३०१ ०३४ आमदार धनंजय मुंडे यांच्याकडे सुपुर्द करण्यात आला.
---------------
हिंदुस्थान समाचार / Aparna Chitnis
