छत्रपती संभाजीनगर, 8 ऑक्टोबर (हिं.स.)।

पैठण येथे उपजिल्हा रुग्णालय उभारण्यात यावे यासाठी आरोग्य मंत्री श्री. प्रकाश आबिटकर यांनी सकारात्मक प्रतिसाद दिला असल्याची माहिती पैठण विधानसभा मतदारसंघाचे शिवसेना आमदार विलास भुमरे यांनी आज सांगितले आहे.

पैठण तालुक्याची वाढती लोकसंख्या आणि ग्रामीण भागातील आरोग्याच्या समस्या लक्षात घेता पैठण येथे उपजिल्हा रुग्णालय उभारण्यात यावे यासाठी राज्याचे कुटुंब कल्याण व आरोग्य मंत्री श्री. प्रकाश आबिटकर यांची भेट घेऊन मागणी केली. याबाबत मंत्री महोदयांनी सकारात्मक प्रतिसाद दिला. पैठण शहरात उपजिल्हा रुग्णालय उभारल्यास स्थानिक नागरिकांना तात्काळ आणि गुणवत्तापूर्ण आरोग्यसेवा उपलब्ध होईल.

---------------

हिंदुस्थान समाचार / Hanumant Madanrao Chitnis