अकोला, 10 नोव्हेंबर (हिं.स.)। ज्या शेतकऱ्यांनी अद्यापही ऍग्रीस्टॅक नोंदणी केली नसेल, त्यांनी ती तत्काळ करून घेण्याचे आवाहन महसूल उपजिल्हाधिकारी निखील खेमनार यांनी केले आहे. कृषी, पशुसंवर्धन, दुग्धव्यवसाय विकास व मत्स्य व्यवसाय विभागाने दि. १४ ऑक्टोबर २०२४ च्या शासन निर्णयानुसार सर्व शेतकऱ्यांची ऍग्रीस्टॅक नोंदणी करण्याबाबत मार्गदर्शक सूचना निर्गमित केल्या आहेत.

ऍग्रीस्टॅक नोंदणी झालेल्या शेतकऱ्यांच्या बँक खात्यात सप्टेंबर २०२५ मधील अतिवृष्टी व पुरामुळे नुकसान झालेली रक्कम तात्काळ जमा करण्यात येत आहे. ऍग्रीस्टॅक नोंदणी झालेल्या शेतकऱ्यांना ई- केवायसी करण्याची आवश्यकता नाही. त्यामुळे अद्यापही ज्या शेतकऱ्यांनी ऍग्रीस्टॅक नोंदणी केलेली नाही त्या सर्व शेतकऱ्यांनी आपला गाव नमूना क्र. ७/१२ उतारा व आधारपत्रासह आपले सरकार सेवा केंद्रावर जाऊन आपली ऍग्रीस्टॅक नोंदणी करुन शेतकरी ओळख क्रमांक प्राप्त करुन घ्यावा, असे अकोला जिल्हा प्रशासनातर्फे करण्यात आले आहे.

---------------

हिंदुस्थान समाचार / जयेश गावंडे