परभणी, 10 नोव्हेंबर (हिं.स.)।

सैनिक कल्याण विभाग व विभागाच्या अधिपत्याखाली जिल्हा सैनिक कल्याण कार्यालयातील लिपिक-टंकलेखक (गट-क) 72 पदाकरिता फक्त माजी सैनिक उमेदवाराकडून ऑनलाईन अर्ज मागविण्यात येत आहेत. उमेदवाराकडून ऑनलाईन पद्धतीने अर्ज भरण्याची मुदत 5 नोव्हेंबरपर्यंत देण्यात आलेली होती. जास्तीत जास्त उमेदवारांना अर्ज भरण्याची संधी मिळण्यासाठी अर्ज करण्यास दि. 26 नोव्हेंबर रोजी संध्याकाळी 23.59 पर्यंत मुदतवाढ देण्यात आली आहे. भरती प्रक्रिया टीसीएस आय.ओ.एन मार्फत होणार आहे. अर्ज फक्त ऑनलाईन पद्धतीने स्वीकारण्यात येतील. उमेदवारांना (वेब बेस्ड) ऑनलाईन अर्ज www.mahasainik.maharashtra.gov.in या संकेत स्थळावर (रिर्सोसेस टॅब > रिक्रुटमेंट टॅब) येथे 26 नोव्हेंबर 2025 रोजी संध्याकाळी 23.59 पर्यंत सादर करणे, आवश्यक आहे. असे निवासी उपजिल्हाधिकारी तथा जिल्हा सैनिक कल्याण अधिकारी अनुराधा ढालकरी यांनी प्रसिद्धीपत्रकाद्वारे कळविले आहे.

---------------

हिंदुस्थान समाचार / Chaitanya JayantRao Chitnis