छत्रपती संभाजीनगर, 10 नोव्हेंबर (हिं.स.)आगामी स्थानिक स्वराज्य संस्था निवडणुकीच्या निमित्ताने राज्याचे दुग्धविकास मंत्री अतुल सावे आमदार प्रशांत बंब यांच्या उपस्थितीत कन्नड येथे भारतीय जनता पक्षाची उत्साहपूर्ण आढावा बैठक संपन्न झाली.आगामी नगरपरिषद, जिल्हा परिषद आणि पंचायत समिती निवडणुकांच्या पार्श्वभूमीवर कन्नड येथे भारतीय जनता पक्षाची आढावा बैठक जोशात पार पडली.भाजपच्या विजयाचा संकल्प दृढ करत संघटन मजबूत करण्याबरोबरच कार्यकर्त्यांमध्ये नवचैतन्य निर्माण करण्यावर यावेळी भर देण्यात आला. आगामी निवडणुकांसाठी संघटित, नियोजनबद्ध आणि सकारात्मक कार्यपद्धतीने सज्ज होण्याचा निर्धार सर्वांनी व्यक्त केला.या प्रसंगी मंत्री अतुल सावे, पश्चिम जिल्हाध्यक्ष श्री. संजय खंबायते, तसेच पक्षाचे पदाधिकारी व कार्यकर्ते मोठ्या संख्येने उपस्थित होते.

--------------------

हिंदुस्थान समाचार / Hanumant Madanrao Chitnis