सोलापूर, 10 नोव्हेंबर (हिं.स.)। जिल्हा परिषदेच्या महिला व बालकल्याण विभागाला नवीन अंगणवाड्या बांधकामासाठी 11 कोटी रुपये मंजूर झाले आहेत. त्यातून 80 अंगणवाड्यांचे बांधकाम होणार आहे. मात्र, ज्या गावात अंगणवाडी बांधकामासाठी जागा उपलब्ध आहे, अशा गावातच या बांधकामास मंजुरी देण्यात येत आहे. त्यामुळे जागा उपलब्ध असलेल्या गावात नवीन अंगणवाड्याचे बांधकाम होणार आहे.

महिला बालकल्याण विभागाकडून 80 नवीन अंगणवाड्यांचे बांधकाम होणार आहे. तर जवळपास 125 जुन्या अंगवाड्याची दुरुस्तीच्या कामाचे नियोजन सन 2025-26 मध्ये होणार आहे. जिल्हा नियोजन समितीकडून जिल्हा परिषद महिला व बालकल्याण विभागाला 11 कोटी रुपयांचा निधी मंजूर झाला आहे. या 11 कोटी रुपयाच्या खर्चासाठी महिला बालकल्याण विभागाकडून नियोजन देखील केले आहे. त्यासाठी नवीन अंगणवाडी बांधकामासाठी 11 लाख 25 हजार रुपये मंजूर होणार आहेत. तर जुन्या अंगणवाडी दुरुस्तीसाठी एक लाख रूपये दिले जाणार आहेत.

---------------

हिंदुस्थान समाचार / यशपाल गायकवाड