रत्नागिरी, 10 नोव्हेंबर, (हिं. स.) युवा पत्रकार, गाव विकास समिती रत्नागिरी जिल्हा संघटनेचे जिल्हा उपाध्यक्ष, ग्रामीण वार्ता या डिजिटल मीडियाचे संपादक मुझम्मील काझी यांना राज्यस्तरीय आदर्श पत्रकार पुरस्काराने सन्मानित करण्यात आले.
हा सन्मान वर्ल्ड फॉर नेचर इंडिया संस्थेने केला. संघटनेच्या पाचव्या वर्धापनदिनानिमित्त निसर्ग मित्र मेळावा आणि पहिला राज्यस्तरीय पुरस्कार सोहळा चिपळूण येथे आयोजित करण्यात आला होता. मुझम्मील काझी यांची निवड संस्थेचे रत्नागिरी जिल्हाध्यक्ष प्रथमेश पवार यांनी केली.
कार्यक्रमाला संस्थेचे संस्थापक अध्यक्ष शुभम पांडे, महाराष्ट्र अध्यक्ष अभिजित वाघमोडे, रत्नागिरी जिल्हाध्यक्ष प्रथमेश पवार, वन विभागीय अधिकारी गिरिजा देसाई, ग्लोबल चिपळूण टुरिझमचे रामशेठ रेडीज, बापू काणे, विलास महाडिक, पर्यावरणतज्ज्ञ धीरज वाटेकर इत्यादी उपस्थित होते.
---------------
हिंदुस्थान समाचार / रत्नागिरी
