कोलकाता, 16 नोव्हेंबर (हिं.स.)कोलकाता कसोटी सामन्यात दक्षिण आफ्रिकेने भारताचा ३० धावांनी पराभव केला. या पराभवामुळे WTC २०२५-२७ च्या गुणतालिकेत भारतीय संघाला मोठा धक्का बसला. भारतीय संघ पॉइंट्स टेबलमध्ये तिसऱ्या वरून चौथ्या स्थानावर घसरला आहे. भारतीय संघाचे जागतिक कसोटी अजिंक्यपद स्पर्धेत ५४.१७ टक्के गुण आहेत. दुसरीकडे, या विजयासह, विश्वविजेता दक्षिण आफ्रिका अव्वल दोन स्थानांवर पोहोचण्यात यशस्वी झाला आहे. दक्षिण आफ्रिका आता WTC २०२५-२७ च्या गुणतालिकेत दुसऱ्या स्थानावर पोहोचला आहे. विजयानंतर आफ्रिकन संघाचे आता ६६.६७ टक्के गुण आहेत.

ऑस्ट्रेलिया संघ सध्या जागतिक कसोटी अजिंक्यपद २०२५-२७ मध्ये अव्वल स्थानावर आहे. ऑस्ट्रेलियन संघ १०० गुणांसह पॉइंट टेबलमध्ये पहिल्या स्थानावर आहे, तर श्रीलंकेचा संघ तिसऱ्या स्थानावर आहे. पाकिस्तान ५० गुणांसह पाचव्या स्थानावर आहे. इंग्लंड सहाव्या स्थानावर आहे.

नवीन WTC सायकलमध्ये न्यूझीलंड हा एकमेव संघ आहे ज्यांनी अद्याप खाते उघडलेले नाही, तर वेस्ट इंडिज हा एकमेव संघ आहे ज्यांनी २०२५-२७ WTC सायकलमध्ये पाच कसोटी सामने खेळूनही एकही गुण मिळवलेला नाही. दरम्यान, ऑस्ट्रेलिया आणि श्रीलंका यांनी नवीन सायकलमध्ये एकही पराभव न होता आपले वर्चस्व कायम ठेवले आहे. भारत आणि दक्षिण आफ्रिका यांच्यातील दुसरा कसोटी सामना शनिवार, २२ नोव्हेंबर रोजी बारसापारा स्टेडियमवर खेळला जाईल.

प्रशिक्षक गौतम गंभीरच्या नेतृत्वाखाली घरच्या मैदानावर १५० पेक्षा कमी धावांच्या लक्ष्याचा पाठलाग करताना भारताचा हा दुसरा पराभव आहे. गेल्या वर्षी, न्यूझीलंडने वानखेडे स्टेडियमवर यजमानांना १४७ धावांच्या लक्ष्यापर्यंत रोखून भारतावर ३-० असा ऐतिहासिक कसोटी मालिका विजय मिळवला. भारताने तो कसोटी सामना २५ धावांनी गमावला होता.

---------------

हिंदुस्थान समाचार / वृषाली देशपांडे