नांदेड, 16 नोव्हेंबर, (हिं.स.)। नांदेड शहरातील कुख्यात गुंड रबजोत सिंग उर्फ ‘गब्या ’खंडणी, जीवघेणे हल्ले, शस्त्रास्त्र कायदा अशा गंभीर गुन्ह्यांमध्ये वॉन्टेड असलेला आरोपी याला पोलीसांनी डाव्या कमरेवर गोळी लागेल अशा जखमी अवस्थेत पकडले.

प्राप्त माहितीनुसार, वजीराबाद पोलीस ठाण्याच्या गुन्हे शोध पथकाला भगतसिंग रस्त्यावर गब्या दिसला. पथकाने त्याला अटक करण्याचा प्रयत्न केला असता तो पोलिसांवर झडप घालून पळ काढण्याचा प्रयत्न करू लागला.त्याचा हल्ला वाढू नये म्हणून पोलीस अंमलदार गणेश धुमाळ यांनी बचावात्मक कारवाई करत गोळीबार केला, आणि गोळी आरोपीच्या कमरेजवळ लागली. तातडीने पथकाने त्याला जखमी अवस्थेत नियंत्रणात घेतले.सध्या गब्यावर रुग्णालयात उपचार सुरु आहेत.

या घटनेवर अंमलदार गणेश धुमाळ यांनी दिलेल्या तक्रारीवरून इतवारा पोलिस ठाण्यात गब्यावर गुन्हा नोंद करण्यात आला आहे. या गुन्ह्याचा तपास सहाय्यक पोलीस निरीक्षक भारती यांच्याकडे सोपवण्यात आला आहे.

आरोपीचा गुन्हेगारी रेकॉर्ड

रबजोत सिंग उर्फ गब्या हा स्थानिकांना धमकावणे,खंडणी उकळणे, गुन्हेगारी टोळ्यांमार्फत वसुली, जीवघेणे हल्ले अशा गुन्ह्यात मोठा रेकॉर्ड असलेला आरोपी असून तो बराच काळ फरार होता. दीर्घ काळ पसार असलेल्या आणि पोलिसांच्या रडारवर असलेल्या या गुंडाला पकडण्यात पोलिसांना यश आले

---------------

हिंदुस्थान समाचार / Sangita Hanumant Rao Chitanis