नवी दिल्ली , 16 नोव्हेंबर (हिं.स.)।ऑपरेशन सिंदूर प्रकरणावर जम्मू–काश्मीर नॅशनल कॉन्फरन्सचे अध्यक्ष फारूक अब्दुल्ला यांच्या विधानाला आता काँग्रेसचे खासदार शशि थरूर यांनी उत्तर दिले आहे. थरूर म्हणाले की “आतंकवाद ही गेल्या 30 वर्षांपासून भारतातील गंभीर समस्या आहे. काही अर्थाने ते 1989–90 मध्ये जम्मू–काश्मीरपासून सुरू झाले आणि नंतर मुंबई, पुणे, दिल्लीपर्यंत पसरत गेल.आता, मजबूत आणि प्रभावी कारवाईची आवश्यकता आहे.थरूर यांनी यावरही भर दिला की ऑपरेशन सिंदूर आणि संपूर्ण प्रकरणाची चौकशी अद्याप सुरू आहे, त्यामुळे त्याच्या निष्कर्षांबाबत अनुमान बांधणे योग्य नाही.

फारूक यांच्या वक्तव्यावर प्रतिक्रिया देताना खासदार शशी थरूर म्हणाले की सर्वप्रथम आपल्या नागरिकांची सुरक्षा सुनिश्चित करणे आवश्यक आहे. घटना का घडली आणि भविष्यात ती कशी टाळता येईल हे समजून घेणे महत्त्वाचे आहे.त्यांनी हेही नमूद केले की आतंकवादाला कठोरपणे आळा घालणे गरजेचे आहे, परंतु त्याचबरोबर देशाच्या एकूण विकासाच्या उद्दिष्टांनाही विसरता कामा नये.

हा संपूर्ण वाद तेव्हा सुरू झाला, जेव्हा जेकेएनसी अध्यक्ष फारूक अब्दुल्ला यांनी ऑपरेशन सिंदूरवर तीव्र प्रतिक्रिया दिली. त्यांनी म्हटले की, ऑपरेशन सिंदूरमधून काहीही निष्पन्न झाले नाही. आशा आहे की, ते पुन्हा होणार नाही. त्यात आमचे अठरा लोक मारले गेले. आमच्या सीमा धोक्यात आल्या.”

पुढे ते म्हणाले, प्रत्येक काश्मिरी व्यक्तीकडे बोट दाखवले जात आहे. असा दिवस कधी येईल जेव्हा ते हे मान्य करतील की आपण भारतीय आहोत आणि आप जबाबदार नाही? जबाबदारांना विचारा की या डॉक्टरांना हा मार्ग का स्वीकारावा लागला. कारण काय होते? याची सखोल चौकशी आणि अभ्यास करणे आवश्यक आहे. त्यांनी भारत–पाकिस्तान संबंध सुधारण्याची आवश्यकता व्यक्त केली आणि माजी पंतप्रधान अटल बिहारी वाजपेयी यांच्या म्हणण्याची आठवण करून दिली की—“मित्र बदलता येतात, पण शेजारी बदलता येत नाहीत.”

---------------

हिंदुस्थान समाचार / Priyanka Bansode