इस्लामाबाद, 18 नोव्हेंबर (हिं.स.)।उत्तर-पश्चिम पाकिस्तानमध्ये दोन गुप्त माहितीवर आधारित कारवायांमध्ये सुरक्षा दलांनी टीटीपीशी संबंधित 15 दहशतवाद्यांना ठार केले आहे. याबाबतची माहिती पाकिस्तानी सैन्याने दिली. पाक सैन्याच्या मीडिया शाखेनुसार, या कारवाया 15 आणि 16 नोव्हेंबर रोजी खैबर पख्तूनख्वाच्या डेरा इस्माईल खान आणि उत्तर वजीरिस्तान जिल्ह्यांमध्ये राबवण्यात आल्या.

सैन्याने सांगितले की डेरा इस्माईल खानच्या कुलाची भागातील छाप्यात तहरीक-ए-तालिबान पाकिस्तान (टीटीपी) चे 10 दहशतवादी मारले गेले, ज्यामध्ये मुख्य सरगना आलम महसूद याचाही समावेश आहे. तसेच उत्तर वजीरिस्तानच्या दत्ता खेळ भागात पाच आणखी दहशतवादी ठार झाले. सैन्याच्या म्हणण्यानुसार, महसूद हा वाँटेड दहशतवादी होता.पाकिस्तानी अधिकाऱ्यांनी कोणत्याही देशाचे नाव न घेता सांगितले की ठार झालेल्या सर्व दहशतवादी परदेशी प्रायोजित नेटवर्कशी जोडलेले होते आणि अनेक हल्ल्यांमध्ये सहभागी होते.राष्ट्रपती आसिफ अली झरदारी यांनी म्हटले आहे की ‘दहशतवाद’विरोधातील राष्ट्रीय एकमत कमकुवत करण्याचा कोणताही प्रयत्न सहन केला जाणार नाही.

---------------

हिंदुस्थान समाचार / Priyanka Bansode