मुंबई, 23 नोव्हेंबर (हिं.स.)। अभिनेत्री अदा शर्मा हिच्या आजीचे आज, रविवारी निधन झाले आहे. त्या बराच काळ आजारी होत्या. अदा तिच्या इन्स्टाग्राम अकाउंटवर तिच्या आजीबद्दल वारंवार पोस्ट शेअर करताना दिसली आहे. अदा शर्मा तिच्या आजीला प्रेमाने “पाती” म्हणत असे. आजीच्या निधनानंतर अदा शर्मा हिच्यावर दुःखाचा डोंगर कोसळला आहे.

माहितीनुसार, अदाच्या आजीला अल्सरेटिव्ह कोलायटिस आणि डायव्हर्टिकुलायटिसचा त्रास होता. त्या गेल्या महिन्याभरापासून रुग्णालयात दाखल होत्या. उपचारादरम्यान आज, सकाळी ५:३० वाजता त्यांनी अखेरचा श्वास घेतला. अदा शर्मा तिच्या आजीच्या म्हणजेच पातीच्या खूप जवळ होती आणि ती वारंवार सोशल मीडियावर त्यांच्यासोबत पोस्ट शेअर करत असे.

सुमारे दोन महिन्यांपूर्वी अदा शर्माने आपल्या आजीचा वाढदिवस साजरा केला होता आणि त्याचा व्हिडिओही इंस्टाग्रामवर शेअर केला होता. अदा हिच्या कुटुंबीयांनीही त्या वाढदिवसाच्या सेलिब्रेशनमध्ये सहभाग घेतला होता.

अदा शर्मा 2023 मध्ये रिलीज झालेल्या ‘द केरळ स्टोरी’ या चित्रपटामुळे विशेष चर्चेत आली होती. अलीकडेच त्या तेलुगु चित्रपट ‘सीडी: क्रिमिनल ऑर डेव्हिल ’मध्ये दिसली होती. लवकरच ती ‘तुमको मेरी कसम’ या चित्रपटाचा भाग म्हणून दिसणार आहे.

---------------

हिंदुस्थान समाचार / Priyanka Bansode