बँकॉक, 23 नोव्हेंबर,(हिं.स.) बँकॉकमध्ये झालेल्या आशिया ओशनिया १०० किमी अल्ट्रा चॅम्पियनशिपमध्ये भारताच्या अमर सिंग देवंदाने शानदार कामगिरी केली. देवंदाने ६:५९:३७ (सहा तास, ५९ मिनिटे आणि ३७ सेकंद) या राष्ट्रीय विक्रमी वेळेत ही स्पर्धा जिंकली. ही स्पर्धा इंटरनॅशनल असोसिएशन ऑफ अल्ट्रारनर्सने आयोजित केली होती.
अमर सिंग देवंदाने भारतासाठी इतिहास रचला. त्याने ६:५९:३७ या राष्ट्रीय विक्रम वेळेसह आशिया ओशनिया १०० किमी अल्ट्रा चॅम्पियनशिप जिंकली, असे अ‍ॅथलेटिक्स फेडरेशन ऑफ इंडिया (एएफआय) ने रविवारी एक्स वर एका पोस्टमध्ये म्हटले आहे.
भारतीय संघातील इतर सदस्यांमध्ये सौरव कुमार रंजन, गिनो अँटनी, वेलू पेरुमल, योगेश सानप, जयद्रथ, आरती झंवर, रणजी सिंग, सिंधू उमेश, नामग्याल ल्हमो आणि तेन्झिन डोल्मा यांचा समावेश आहे.
---------------
हिंदुस्थान समाचार / वृषाली देशपांडे
