लंडन , 3 नोव्हेंबर (हिं.स.)।उत्तर-पश्चिम इंग्लंडमध्ये सोमवारी एक रेल्वेगाडी रुळावरून घसरली, त्यानंतर आपत्कालीन सेवा दल घटनास्थळी बचाव आणि मदतकार्य सुरू आहेत. अधिकाऱ्यांनी दिलेल्या माहितीनुसार, या दुर्घटनेत सध्या कोणतीही जीवितहानी किंवा दुखापत झाल्याची नोंद नाही.

रेल्वे ऑपरेटर ‘अवंती वेस्ट कोस्ट’ च्या माहितीनुसार, ही घटना लेक डिस्ट्रिक्टच्या डोंगराळ भागात पेनरिथ आणि ऑक्सेनहोल्म स्थानकांच्या दरम्यान घडली. ‘नॉर्थ वेस्ट अँब्युलन्स सर्व्हिस’ ने सांगितले की, त्यांच्या टीम्स घटनास्थळी पोहोचल्या असून परिस्थितीवर लक्ष ठेवून आहेत.

वाहतूक सचिव हेडी अलेक्झांडर यांनी सांगितले की, या अपघातात कोणतीही जीवितहानी झालेली नाही.त्या म्हणाल्या, “आम्ही हे सुनिश्चित करण्यासाठी जलदगतीने काम करत आहोत की प्रवाशांना सुरक्षितपणे रेल्वेतून बाहेर काढले जाईल.”

‘अवंती वेस्ट कोस्ट’च्या मते, लंडनहून स्कॉटलंडकडे जाणारा रेल्वे मार्ग (जो इंग्लंडच्या पश्चिम भागातून जातो) हा पूर्णपणे अवरोधित झाला आहे, ज्यामुळे रेल्वे वाहतुकीत मोठा अडथळा निर्माण झाला आहे.उत्तर-पश्चिम इंग्लंडमध्ये झालेल्या या रेल्वे अपघातानंतर, रेल्वे ऑपरेटरने प्रवाशांना प्रेस्टनच्या उत्तर दिशेच्या प्रवासापासून पूर्णपणे दूर राहण्याचे आवाहन केले आहे.

अपघातामुळे अनेक गाड्या उशिरा धावत आहेत किंवा रद्द करण्यात आल्या आहेत.रेल्वे ऑपरेटरने सांगितले की, ज्यांनी आधीच प्रवासाचे आरक्षण केले आहे त्यांनी परतावा (रिफंड) किंवा पर्यायी प्रवास व्यवस्था यासाठी आपल्या संबंधित ऑपरेटरशी संपर्क साधावा.

रेल्वे अपघाताबाबत बोलताना वाहतूक सचिव हेडी अलेक्झांडर यांनी सांगितले की, “प्रवाशांना ट्रेनमधून सुरक्षितरीत्या बाहेर काढण्यासाठी जलदगतीने प्रयत्न सुरू आहेत.” त्या पुढे म्हणाल्या, “मला या घटनेबाबत माहिती मिळाली आहे आणि मला ठाऊक आहे की हा मोठा अपघात आहे. सुदैवाने कोणतीही जखमी झाल्याची बातमी नाही. मी सतत रेल्वे संचालन कंपनी आणि रेल्वे अपघात तपास शाखेशी संपर्कात आहे.”

---------------

हिंदुस्थान समाचार / Priyanka Bansode