- २५ वर्षांनंतर विक्रमी मतदानांची नोंद

पाटणा, 6 नोव्हेंबर (हिं.स.) - बिहारमध्ये १८ जिल्ह्यांमधील १२१ मतदारसंघांमध्ये झालेल्या पहिल्या टप्प्यातील निवडणुकीमध्ये गुरुवारी सायंकाळी ५ वाजेपर्यंत विक्रमी ६०.१८ टक्के मतदान झाले. निवडणूक आयोगाने ही आकडेवारी जाहीर केली आहे. मतदारांनी १,३१४ उमेदवारांचे भवितव्य ईव्हीएममध्ये सील केले. बेगुसरायमध्ये सर्वाधिक ६७.३२ टक्के, तर राजधानी पाटणा येथे ५५.०२ टक्के मतदान झाले. तर शेखपुरा येथे सर्वांत कमी ५२.३६ टक्के मतदान झाले. आज २५ वर्षांनंतर विक्रमी मतदान झाल्याची आतापर्यंतची आकडेवारी सांगते.

पहिल्या टप्प्यातील मतदानानंतर १,३१४ उमेदवारांचे भवितव्य ईव्हीएममध्ये बंद झाले आहे. यापैकी १०४ जागा थेट लढवल्या जातात, तर १७ जागा त्रिपक्षीय लढवल्या जातात. बिहारमधील २४३ जागांसाठी दोन टप्प्यात निवडणुका होत आहेत. १४ नोव्हेंबर रोजी निकाल जाहीर होतील. पहिल्या टप्प्यात दोन उपमुख्यमंत्र्यांसह १८ मंत्र्यांची प्रतिष्ठा पणाला लागली आहे. तेजस्वी यादव, तेज प्रताप यादव, सम्राट चौधरी, विजय कुमार सिन्हा आणि अनंत सिंग यांच्यासह १० जागा आहेत. ५६ अतिसंवेदनशील मतदान केंद्रांवर सायंकाळी ५ वाजेपर्यंत मतदान सुरू राहिले. बिहारमधील शहरी मतदारांमध्ये उत्साहाचा अभाव होता. १२१ पैकी तीन जागांवर सर्वात कमी मतदान झाले. राजधानी पाटणामधील शहरी भागात कुम्हरार येथे ३९.५२ टक्के, दिघा येथे ३९.१० टक्के आणि बांकीपूर येथे ४० टक्के मतदान झाले.

राज्यातील विविध जिल्ह्यांमधून मिळालेल्या आकडेवारीनुसार, मतदारांनी लोकशाहीच्या या भव्य उत्सवात मोठ्या उत्साहाने सहभाग घेतला. मधेपुरा - ६५.७४ टक्के, सहरसा - ६२.६५ टक्के, दरभंगा - ५८.३८ टक्के, मुझफ्फरपूर - ६५.२३ टक्के, गोपाळगंज - ६४.९६ टक्के, सिवान - ५७.४१ टक्के, सारण - ६०.९० टक्के, वैशाली - ५९.४५ टक्के, समस्तीपूर - ६६.६५ टक्के, बेगुसराय - सर्वाधिक ६७.३२ टक्के, खगरिया - ६०.६५ टक्के, मुंगेर - ५४.९० टक्के, लखीसराय - ६२.७६ टक्के, शेखपुरा - सर्वात कमी ५२.३६ टक्के, नालंदा - ५७.५८ टक्के, पाटणा - ५५.०२ टक्के, भोजपूर - ५३.२४ टक्के आणि बक्सर - ५५.१० टक्के मतदान झाले.

मुजफ्फरपूरमधील तीन बूथवर मतदान बहिष्कार - गायघाट विधानसभा मतदारसंघातील तीन बूथवर मतदान बहिष्कार टाकण्यात आला. बूथ क्रमांक १६१, १६२ आणि १७० वरील मतदारांनी ओव्हर ब्रिज आणि रस्ता बांधकामासाठी मतदान बहिष्कार टाकला. संवेदनशील मतदान केंद्रांवर सायंकाळी ५ वाजेपर्यंत मतदान : सुरक्षेच्या कारणास्तव सिमरी बख्तियारपूर, महिसी, तारापूर (मुंगेर जिल्हा) आणि जमालपूर येथे मतदानाची वेळ सायंकाळी ५ वाजेपर्यंत मर्यादित करण्यात आली आहे. फतुहा विधानसभा मतदारसंघातील हाजीपूर गावातील बूथ क्रमांक २५४ वर तैनात असलेले पीठासीन अधिकारी आजारी पडले आहेत. त्यांना रुग्णालयात दाखल करण्यात आले आहे. बिहार शरीफमध्ये मतदानादरम्यान पोलिसांनी चार भाजपा कार्यकर्त्यांना ताब्यात घेतले. पोलिसांनी दिलेल्या माहितीनुसार, ते वॉर्ड १६ मधील २२६ ते २३२ क्रमांकाच्या बूथजवळ पत्रके वाटत होते.

---------------

हिंदुस्थान समाचार / सुधांशू जोशी