वेलिंग्टन, 9 नोव्हेंबर (हिं.स.)काइल जेमिसनच्या शानदार शेवटच्या षटकात न्यूझीलंडने तिसऱ्या टी-२० सामन्यात वेस्ट इंडिजचा 9 धावांनी पराभव केला. या विजयासह न्यूझीलंडने पाच सामन्यांच्या मालिकेत २-१ ने आघाडी घेतली.

न्यूझीलंडने नाणेफेक जिंकून प्रथम फलंदाजी करताना 9 बाद १७७ धावा केल्या. लक्ष्याचा पाठलाग करताना, वेस्ट इंडिजने १३ व्या षटकात ८ विकेट ८८ धावांवर गमावल्या. ज्यामुळे न्यूझीलंड सहज जिंकेल असे वाटत होते. पण रोमारियो शेफर्डने ३४ चेंडूत ४९ आणि शमार स्प्रिंगरने २० चेंडूत ३९ धावा केल्या. वेस्ट इंडिजला शेवटच्या षटकात विजयासाठी १४ धावांची आवश्यकता होती. शेफर्ड आणि अकील होसेन क्रीजवर होते.

वेगवान गोलंदाज जेमिसनला पुन्हा शेवटचे षटक टाकण्याची जबाबदारी देण्यात आली. त्याने संयमाने गोलंदाजी केली. पहिल्या चार चेंडूत फक्त दोन धावा दिल्या आणि पाचव्या चेंडूवर शेफर्डला बाद केले. टॉप ऑर्डर पुन्हा एकदा कोसळल्यानंतर टेल-एंडर्सनी वेस्ट इंडिजचा डाव सावरला.

पाहुण्या संघाने डावाच्या दुसऱ्या षटकात जेकब डफीला दोन विकेट्स दिल्या. ज्यामुळे पॉवरप्लेमध्ये संघाची धावसंख्या दोन बाद ४७ अशी झाली होती. त्यानंतर मधल्या षटकांमध्ये संघाने ३५ धावांत सहा विकेट्स गमावल्या. फिरकी गोलंदाज ईश सोधीने ३४ धावांत तीन विकेट्स घेतल्या आणि त्याला सामनावीर घोषित करण्यात आले.

तत्पूर्वी, डेव्हॉन कॉनवेने ३४ चेंडूंत ५६ धावा करत न्यूझीलंडचा डाव सुरू केला. पण संघाने पाच षटकांत ३१ धावांत सहा विकेट्स गमावल्या. वेस्ट इंडिजच्या उत्कृष्ट क्षेत्ररक्षणामुळे किवींचे तीन फंलदाज धावबाद झाले. जेसन होल्डर आणि मॅट फोर्ड यांनी उत्कृष्ट गोलंदाजी केली.

फोर्डने २० धावांत दोन आणि होल्डरने ३१ धावांत दोन विकेट्स घेतल्याने न्यूझीलंडला मोठी धावसंख्या उभारण्यापासून रोखले. टिम रॉबिन्सन (२३) आणि रचिन रवींद्र (२६) हे दोघेही सुरुवातीचे मोठ्या धावसंख्येत रूपांतर करण्यात अपयशी ठरले.

---------------

हिंदुस्थान समाचार / वृषाली देशपांडे