छत्रपती संभाजीनगर, 16 डिसेंबर (हिं.स.) छत्रपती संभाजी नगर येथील भारतीय जनता पार्टीच्या विभागीय कार्यालयात आगामी महानगरपालिका निवडणुकीच्या अनुषंगाने महत्त्वपूर्ण बैठक पार पडली. छत्रपती संभाजी नगर महानगरपालिकेची निवडणूक जाहीर झाली असून दिनांक 15 जानेवारी रोजी प्रत्यक्ष मतदान होणार आहे. या पार्श्वभूमीवर भारतीय जनता पक्षाच्या प्रमुख नेत्यांच्या उपस्थितीमध्ये बैठक संपन्न झाली. महानगरपालिकेच्या निवडणुकीच्या निमित्ताने भारतीय जनता पक्षा च्या कार्यकर्त्यांनी आणि नेत्यांनी थेट मतदारांशी संपर्क साधावा असे आवाहन यावेळी करण्यात आले

या बैठकीदरम्यान, पक्षसंघटना अधिक सशक्त करण्यावर भर देण्यात आला. तसेच बूथ पातळीवर नियोजनबद्ध कामकाज राबवणे आणि प्रत्येक मतदारापर्यंत पक्षाची ध्येयधोरणे प्रभावीपणे पोहोचवण्यासाठी आवश्यक उपाययोजनांवर सखोल विचारविनिमय करण्यात आला.

हिंदुस्थान समाचार / Hanumant Madanrao Chitnis