जयपूर, 8 डिसेंबर (हिं.स.)। राजस्थानातील कोटा जिल्ह्यात सोमवारी (8 डिसेंबर) सकाळी कोटा जिल्हाधिकारी कार्यालयला बॉम्बने उडवून देण्याची धमकी देणारा ईमेल प्राप्त झाला. माहिती मिळताच पोलीस आणि प्रशासनिक अधिकारी तत्काळ सक्रिय झाले आणि जिल्हाधिकारी कार्यालय परिसर रिकामा करून कठोर सुरक्षा व्यवस्था तैनात करण्यात आली. यानंतर काही वेळातच जयपूर येथील हायकोर्टलाही बॉम्बची धमकी मिळाली. त्यानंतर तत्काळ हायकोर्ट रिकामे करण्यात आले.

हा धमकीचा ईमेल जिल्हाधिकारी कार्यालयाच्या अधिकृत मेल आयडीवर आला होता. स्वतःला केरळचा रहिवासी सांगणाऱ्या एका अज्ञात व्यक्तीने या धमकीची जबाबदारी ईमेलमध्ये स्वीकारल्याचा दावा केला आहे. जिल्हाधिकारी पीयूष समारिया यांनी सांगितले की प्रकरणाच्या गंभीरतेचा विचार करून लगेचच तपासणी मोहीम सुरू करण्यात आली आहे.कोटा जिल्हाधिकारी कार्यालयाला धमकी आल्यानंतर काही वेळातच जयपूर येथील हायकोर्टलाही बॉम्ब धमकी मिळाली. तत्काळ हायकोर्ट रिकामे करण्यात आले. गेल्या 5 दिवसांत दुसऱ्यांदा हायकोर्टला अशी धमकी मिळाल्याने सुरक्षा यंत्रणेत चिंता वाढली आहे. सुरक्षा पथके संपूर्ण परिसरात सर्च ऑपरेशन राबवत आहेत.

डॉग स्क्वॉड, बॉम्ब डिस्पोजल टीम आणि विशेष पथकांनी जिल्हाधिकारी कार्यालयाच्या प्रत्येक भागाची सखोल तपासणी सुरू केली आहे. नगर निगमची फायर ब्रिगेडही घटनास्थळी पोहोचली आहे. अधिकार्‍यांनी सांगितले की आतापर्यंत कोणतीही संशयास्पद वस्तू आढळलेली नाही, परंतु सुरक्षेच्या दृष्टीने कोणतीही हलगर्जीपणा न ठेवता तपास सुरू आहे. पोलीस सायबर टीम ईमेलचा स्त्रोत आणि लोकेशन शोधण्याचे काम करत आहे. प्रशासनाने नागरिकांना विनंती केली आहे की अफवांवर विश्वास ठेवू नये आणि सहकार्य करावे.

दरम्यान, गेल्या काही दिवसांत राज्यात अशा धमकीच्या घटनांमध्ये वाढ झाली आहे. 5 डिसेंबरला जयपूर येथील राजस्थान हायकोर्टला आणि 4 डिसेंबरला अजमेर दर्गा व जिल्हाधिकारी कार्यालयाला देखील अशाच धमक्या देण्यात आल्या होत्या. या सर्व घटनांमध्ये अद्याप कोणतेही विस्फोटक पदार्थ आढळलेले नाहीत, परंतु सतत येणाऱ्या धमक्यांमुळे सुरक्षा यंत्रणांची चिंता वाढली आहे.

---------------

हिंदुस्थान समाचार / Priyanka Bansode