पालघर, 29 सप्टेंबर (हिं.स.)। सूर्यवंशी क्षत्रिय समाजामार्फत शारदीय नवरात्रोत्सवाच्या निमित्ताने शनिवार, २७ सप्टेंबर रोजी आयोजित करण्यात आलेली एकदिवसीय कुलस्वामिनी दर्शन यात्रा उत्साहात व भक्तिभावात संपन्न झाली. यात्रेसाठी पहाटे ६ वाजता सूर्यवंशी क्षत्रिय सभागृह, दादर येथून बसने प्रस्थान करण्यात आले. दिवसभरात पालघर जिल्ह्यातील श्री महालक्ष्मी माता (डहाणू), श्री संतोषी माता, श्री केवडावंती माता (डहाणू), श्री शितलादेवी माता (केळवे) व श्री कुर्लाई माता (सफाळे) या पाच देवींचे दर्शन घेण्यात आले. दरम्यान यात्रेकरूंसाठी सकाळी नाश्ता-चहा, दुपारी स्नेहभोजन व संध्याकाळी चहाची उत्तम व्यवस्था करण्यात आली होती. महिलांनी देवीची ओटी, खण साहित्य नेल्यामुळे पूजा सोहळे सुरळीत पार पडले. संध्याकाळी ९ वाजता यात्रेचा समारोप झाला. भक्तिभावाने भरलेली ही यात्रा समाजातील बंधू-भगिनींनी मोठ्या संख्येने उपस्थित राहून अत्यंत उत्साहात अनुभवली. या यशस्वी यात्रेचे आयोजन व संयोजन आशिष पाटील, अभय महाले, प्रविण पाटील, अभय राऊळ, अभय ठाकूर, नविन पाटील, मनीष ठाकूर, महेश चोरघे, प्रदीप पाटील, मिलिंद राऊत, तुषार कोरे, तुषार चुरी आदींनी केले.
---------------
हिंदुस्थान समाचार / NAVIN NARESH PATIL
