रत्नागिरी, 30 सप्टेंबर, (हिं. स.) : कुवारबाव पंचक्रोशी ब्राह्मण सभेमार्फत दसरा-दीपावलीनिमित्त येत्या ३ ते ५ ऑक्टोबर २०२५ या काळात नाचणे येथील गोखले भवनात ब्रह्मानंद ग्राहक पेठेचे आयोजन करण्यात आले आहे.

या ग्राहक पेठेत दिवाळीनिमित्त साड्या, कुर्तीज, दागिने, इको-फ्रेंडली आकाशकंदील, आकर्षक दिवे, साबण, विविध खाद्यपदार्थांची रेलचेल असणार आहे. एकाच छताखाली दिवाळीची ही खरेदी ग्राहकांना करता येणार आहे. साळवी स्टॉप - नाचणे लिंक रोड येथील कुवारबाव पंचक्रोशी ब्राह्मण सभेच्या श्रीमान यशवंत हरी गोखले भवनात ग्राहक पेठेचे आयोजन करण्यात आले आहे. सकाळी ११ ते रात्री ८ वाजेपर्यंत प्रदर्शन सर्वांसाठी विनामूल्य खुले असणार आहे. या ग्राहक पेठेला रत्नागिरीकरांनी अवश्य भेट द्यावी, असे आवाहन आयोजकांतर्फे करण्यात आले आहे.

---------------

हिंदुस्थान समाचार / रत्नागिरी