छत्रपती संभाजीनगर, 01 जानेवारी (हिं.स.)। भारतीय राज्यशास्त्र संघटना आणि कलिंगा इन्स्टिटयूट ऑफ सोशियल सायन्स भूवनेश्वर, ओडिसा यांच्या संयुक्त विद्यमाने आयोजित करण्यात आलेल्या ६२ व्या भारतीय राज्यशास्त्र परिषदेमध्ये सन २०२५-२०२६ या कालावधी करिता झालेल्या कार्यकारिणी जाहिर करण्यात आली या समितीत.

डॉ.बाबासाहेब आंबेडकर मराठवाडा विद्यापीठाचे कुलसचिव डॉ.प्रशांत अमृतकर यांची भारतीय राज्यशास्त्र परिषदेमध्ये सन २०२५-२०२६ या कालावधी करिता झालेल्या कार्यकारिणी समिती सदस्यपदी निवड करण्यात आली. भारतीय राज्यशास्त्र संघटनेच्या समितीमध्ये देशभरातील दहा राज्यशास्त्र विषयाच्या प्राध्यापकांची निवड यावेळी करण्यात आली असून त्यामध्ये डॉ.अमृतकर यांचा समावेश आहे. यापूर्वी देखील डॉ.अमृतकर यांची सन २०१८ व सन २०२३ मध्ये राष्ट्रीय स्तरीय राज्यशास्त्र संघटनेवर काम केले आहे. डॉ.अमृतकर यांना राज्यशास्त्र विषयामध्ये २६ वर्ष अध्यापनाचा अनुभव असून सध्या ते विद्यापीठाचे कुलसचिव तसेच राज्यशास्त्र विभागप्रमुख म्हणून कार्यरत आहेत. डॉ.अमृतकर हे जानेवारी २०२४ पासून कुलसचिवपदी कार्यरत आहेत. तसेच राज्यशास्त्र विभागात वरिष्ठ प्राध्यापक, विभागप्रमुख, मानव्यविद्या शाखेचे अधिष्ठाता म्हणूनही त्यांनी कार्य केले आहे. संत गाडगेबाबा ग्रामीण समस्या संशोधन केंद्राचे संचालक म्हणूनही ते कार्यरत आहेत.

---------------

हिंदुस्थान समाचार / Hanumant Madanrao Chitnis