छत्रपती संभाजीनगर, 11 जानेवारी (हिं.स.)। छत्रपती संभाजी नगर महानगरपालिकेच्या निवडणुकीत भाजप उमेदवारांना वाढते जनसमर्थन मिळत असल्याचे स्पष्ट झाल्याची माहिती मंत्री अतुल सावे यांनी दिली आहे. खासदार भागवत कराड यांच्या उपस्थितीत एका विशेष संवाद बैठकीत ते बोलत होते.

छत्रपती संभाजीनगर महानगरपालिका निवडणुकीच्या पार्श्वभूमीवर भारतीय जनता पार्टीचे अधिकृत उमेदवार चंद्रकांत हिवराळे, संजय जोशी, शिल्पाराणी वाडकर व शोभाताई बुरांडे यांच्या प्रचारार्थ ज्योती नगर परिसरातील सोसायटीमधील नागरिकांची संवाद बैठक संपन्न झाली.

या बैठकीत स्थानिक नागरिकांशी थेट संवाद साधत त्यांच्या समस्या, अपेक्षा व विकासाच्या मुद्द्यांवर सविस्तर चर्चा करण्यात आली. प्रभागाच्या सर्वांगीण विकासासाठी आणि शहराच्या प्रगतीसाठी कमळ या चिन्हासमोरील मतदान करून भारतीय जनता पार्टीला भक्कम पाठिंबा देण्याचे आवाहन यावेळी करण्यात आले. नागरिकांचा सकारात्मक प्रतिसाद लाभला असून, प्रभाग क्रमांक १९ मध्ये भाजप उमेदवारांना वाढता जनसमर्थन मिळत असल्याचे स्पष्ट झाले.

-------------

हिंदुस्थान समाचार / Hanumant Madanrao Chitnis