नांदेड, 11 जानेवारी (हिं.स.)।राष्ट्रवादी काँग्रेस पार्टी प्रदेशाध्यक्ष सुनील तटकरे यांच्या प्रमुख उपस्थितीत नांदेड वाघाळा शहर महानगरपालिका, नांदेड निवडणुकीच्या अनुषंगाने नांदेड उत्तर विधानसभा मतदारसंघातील 9 प्रभागाच्या उमेदवारांच्या प्रचारार्थ श्री.साईबाबा मंदिर तरोडा बु. कॅनॉल रोड, नांदेड येथे जाहीर सभा पार पडली. या जाहीर सभेस महाराष्ट्र राज्य महिला आयोगाच्या अध्यक्षा तथा राष्ट्रवादी काँग्रेस पार्टी प्रदेशाध्यक्षा सौ.रूपालीताई चाकणकर, माजी खासदार भास्करराव पाटील खतगावकर, माजी आमदार तथा राष्ट्रवादी काँग्रेस पार्टी शहर जिल्हाध्यक्ष ओमप्रकाश पोकर्णा, माजी आमदार मोहनराव हंबर्डे, माजी आमदार अविनाशराव घाटे, माजी आमदार सुभाषराव साबणे, राष्ट्रवादी काँग्रेस पार्टीचे प्रदेश उपाध्यक्ष व्यंकटराव पाटील गोजेगावकर, यांच्यासह अनेक मान्यवरांची उपस्थिती होती.
नांदेड वाघाळा शहर महानगरपालिका नांदेडच्या निवडणुकीच्या अनुषंगाने तयार करण्यात आलेल्या जाहीरनाम्याचे प्रकाशन व्यासपीठावरील मान्यवरांच्या हस्ते प्रकाशन करण्यात आले.
या सभेस आमदार प्रताप पाटील चिखलीकर यांच्या समवेत राष्ट्रवादी काँग्रेस पार्टीचे प्रदेशाध्यक्ष मा.खा.श्री सुनील तटकरे साहेब, राष्ट्रवादी महिला काँग्रेसच्या प्रदेशाध्यक्ष तथा महाराष्ट्र राज्य महिला आयोगाच्या अध्यक्षा रूपालीताई चाकणकर, माजी खासदार भास्करराव पाटील खतगावकर, माजी आमदार ओमप्रकाश पोकर्णा आदी मान्यवरांनी मनोगत व्यक्त केले.
---------------
हिंदुस्थान समाचार / Sangita Hanumant Rao Chitanis
