परभणी, 03 जानेवारी (हिं.स.)। परभणी महानगरपालिकेच्या सार्वत्रिक निवडणूकीकरीता उमेदवारी अर्ज दाखल केलेल्या हौसे नवसे-गवसे व अपक्षांसह काही प्रमुख उमेदवारांनीसुध्दा निवडणूक रिंगणातून माघार घेतली. राजकीय पक्षांच्या प्रबळ इच्छुकांच्या काही प्रभागातील अर्थपूर्ण चर्चा यशस्वी तर काही प्रभागात या अर्थपूर्ण चर्चा अयशस्वी ठरल्या.

एकूण 16 प्रभागात आज 163 उमेदवारांची रिंगणातून माघार...

उमेदवारी अर्ज दाखल केलेल्या व छाननी प्रक्रियेतून वैध ठरलेल्या एकूण उमेदवारांपैकी अर्ज माघारीच्या अंतीम मुदतीत प्रभाग क्रमांक 1 मधून 5, प्रभाग क्रमांक 2 मधून 6, प्रभाग क्रमांक 3 मधून 13, प्रभाग क्रमांक 4 मधून 9, प्रभाग क्रमांक 5 मधून 4 व प्रभाग क्रमांक 6 मधून 20, प्रभाग क्रमांक 7 मधून 15, प्रभाग क्रमांक 8 मधून 10, प्रभाग क्रमांक 9 मधून 11, प्रभाग क्रमांक 10 मधून 9, प्रभाग क्रमांक 11 मधून 4, प्रभाग क्रमांक 12 मधून 12, प्रभाग क्रमांक 13 मधून 7, प्रभाग क्रमांक 14 मधून 15, 15 मधून 13 व प्रभाग क्रमांक 16 मधून 10 अशा एकूण 163 उमेदवारांनी निवडणूक रिंगणातून माघार घेतली.

प्रभाग क्रमांक 1 क सर्वसाधारण महिला गटातून दिशा निलेश देशमुख, अर्चना जनार्दन चिंचाणे व शिवानी विकास देशमुख, ड मधून सर्वसाधारण गटातून आकाश अंबादासराव बहिरट, शेख मोहसीन सलीम, प्रभाग क्रमांक 2 अ मधून नागरीकांचा मागास प्रवर्ग गटातून रफत अली खाँ जब्बार खाँ, मोहम्मद शफी अब्दुल गफूर, शेख अखिल शेख रहीम, उमेदवारांनी निवडणूक रिंगणातून माघार घेतली.

हिंदुस्थान समाचार / Chaitanya JayantRao Chitnis