काबुल, 25 फेब्रुवारी (हिं.स.)इंग्लंडमध्ये जन्मलेले रिचर्ड पायबस यांची अफगाणिस्तान क्रिकेट संघाचे नवीन मुख्य प्रशिक्षक म्हणून नियुक्ती करण्यात आली आहे, ते जोनाथन ट्रॉट यांची जागा घेणार आहेत. ट्रॉट यांचा कार्यकाळ टी-२० विश्वचषकातून संघाच्या बाहेर पडल्याने संपला. पुढील महिन्यात युएईमध्ये श्रीलंकेविरुद्ध होणाऱ्या मर्यादित षटकांच्या मालिकेपूर्वी पायबस संघाची जबाबदारी स्वीकारतील.

अफगाणिस्तान क्रिकेट बोर्डाने (एसीबी) एका निवेदनात म्हटले आहे की, एसीबीला हे जाहीर करताना आनंद होत आहे की रिचर्ड पायबस यांची अफगाणिस्तान राष्ट्रीय संघाचे मुख्य प्रशिक्षक म्हणून नियुक्ती करण्यात आली आहे. मार्चमध्ये श्रीलंकेविरुद्ध होणाऱ्या मर्यादित षटकांच्या मालिकेपूर्वी ते संघात सामील होतील. त्यांची खेळण्याची कारकीर्द दुखापतींमुळे खराब झाली होती. पण प्रशिक्षक म्हणून त्यांनी लक्षणीय यश मिळवले आहे.

पायबस यांनी तीन विश्वचषक विजेत्या संघांसाठी मुख्य प्रशिक्षक आणि क्रिकेट संचालक म्हणून काम केले आहे. त्यांना उच्च स्तरावर काम करण्याचा व्यापक अनुभव आहे आणि उच्च-कार्यक्षमता प्रणाली विकसित करण्याचा ट्रॅक रेकॉर्ड आहे. २०१३ ते २०१९ पर्यंत त्यांनी वेस्ट इंडिजचे मुख्य प्रशिक्षक, क्रिकेट संचालक आणि उच्च-कार्यक्षमता प्रशिक्षक म्हणून काम पाहिले. या काळात, २०१६ मध्ये, वेस्ट इंडिजने एकाच कॅलेंडर वर्षात तिन्ही पुरुष, महिला आणि १९ वर्षांखालील संघांना आयसीसी विश्वचषक जिंकून देण्याचा ऐतिहासिक पराक्रम केला. पायबस यांनी यापूर्वी १९९९ च्या आयसीसी क्रिकेट विश्वचषकाच्या अंतिम फेरीत पाकिस्तानला पोहचण्यास मदत केली होती. पण पाकचा संघ ऑस्ट्रेलियाविरुद्ध अंतिम सामन्यात पराभूत झाला होता .

---------------

हिंदुस्थान समाचार / वृषाली देशपांडे