मुंबई, 19 मार्च (हिं.स.) भारतातील अग्रगण्य इलेक्ट्रिक दोन-चाकी वाहन निर्माता एथर एनर्जी लिमिटेड यांनी आज जाहीर केले की कंपनीने आपले सर्व्हिस नेटवर्क वाढवून देशभरात 500 अधिकृत सर्व्हिस सेंटरपर्यंत विस्तार केला आहे. वाढत्या रिटेल नेटवर्कसोबतच हा विस्तार करण्यात आला आहे. सुरुवातीपासूनच एथरने ज्या शहरांमध्ये स्कूटर्स विक्रीसाठी उपलब्ध आहेत, त्या प्रत्येक ठिकाणी सर्व्हिस सपोर्ट देण्यावर भर दिला आहे. यामुळे ईव्ही मालकीचा अनुभव ग्राहकांसाठी अखंड, सोपा आणि सोयीस्कर बनवण्यावर कंपनीने आपला भर कायम ठेवला आहे.

सर्व्हिस नेटवर्कचा विस्तार करण्याबरोबरच एथर एनर्जी सर्व्हिस क्वालिटी, कार्यक्षमता आणि ग्राहक अनुभव सुधारण्यासाठी सातत्याने गुंतवणूक करत आहे. कंपनीची गोल्ड सर्व्हिस सेंटर आधुनिक कस्टमर लाउंज, अत्याधुनिक सर्व्हिस उपकरणे आणि सुलभ प्रक्रियांनी सज्ज आहेत, ज्यामुळे पारदर्शकता आणि विश्वासार्हता वाढते. स्टँडर्ड सर्व्हिसिंगसोबतच एथरची एक्सप्रेसकेअर ही 60 मिनिटांत पूर्ण होणारी पिरिऑडिक मेंटेनन्स सर्व्हिस सध्या 82 सेंटरमध्ये उपलब्ध आहे. यामुळे ग्राहकांना नियमित सर्व्हिस जलद आणि सोयीस्कर पद्धतीने मिळते, आणि दर्जावर कोणताही तडजोड होत नाही. वित्त वर्ष 2026 मध्ये एथर एनर्जीने आपले सर्व्हिस नेटवर्क जवळजवळ दुप्पट केले असून 277 वरून 500 सर्व्हिस सेंटरपर्यंत विस्तार केला आहे. यामुळे कंपनीने देशभरात आपला सर्व्हिस फुटप्रिंट मोठ्या प्रमाणात वाढवला आहे. या सर्व उपक्रमांमधून एथर एनर्जीचा प्रत्येक टचपॉइंटवर ग्राहकांचा सर्व्हिस अनुभव सातत्याने सुधारण्यावर असलेला भर स्पष्ट दिसतो. या सर्व उपक्रमांमधून एथर एनर्जीचा प्रत्येक टचपॉइंटवर ग्राहकांचा सर्व्हिस अनुभव सातत्याने सुधारण्यावर असलेला भर स्पष्ट दिसतो.

या महत्त्वपूर्ण टप्प्यावर भाष्य करताना एथर एनर्जीचे चीफ बिझनेस ऑफिसर रवनीत सिंह फोकेला म्हणाले, “500 सर्व्हिस सेंटरचा टप्पा गाठणे आमच्यासाठी अत्यंत महत्त्वाचे आहे कारण आम्ही देशभरात आमचे रिटेल नेटवर्क आणि ग्राहकवर्ग सातत्याने वाढवत आहोत. सुरुवातीपासूनच आम्ही विक्रीसोबतच सर्व्हिस क्षमता निर्माण करण्यावर भर दिला आहे, कारण विश्वासार्ह आफ्टर-सेल्स सपोर्ट हा मालकी अनुभवाचा मुख्य भाग आहे. आमची उपस्थिती वाढत असताना मजबूत सर्व्हिस नेटवर्क असणे अधिक महत्त्वाचे ठरते. आमचे लक्ष हेच आहे की रायडर्सना प्रशिक्षित टेक्निशियन, पारदर्शक प्रक्रिया आणि सातत्यपूर्ण सर्व्हिस क्वालिटी देशभरात कुठेही सहज उपलब्ध व्हावी.”

हा विस्तार एथर स्कूटर्ससाठी वाढत्या मागणीच्या पार्श्वभूमीवर झाला आहे. एथर 450 परफॉर्मन्स लाइन आणि रिझ्ता फॅमिली स्कूटर यामुळे कंपनीने नवीन ग्राहकवर्ग आणि बाजारपेठांमध्ये प्रवेश केला आहे. रिटेलसोबत सर्व्हिस नेटवर्क वाढवून एथरने टियर-1, टियर-2 आणि उदयोन्मुख शहरांमध्ये विश्वासार्ह आणि वेळेवर सपोर्ट उपलब्ध करून दिला आहे.

यामुळे कंपनीचे वित्त वर्ष 2026 पर्यंत 700 एक्स्पीरियन्स सेंटरपर्यंत पोहोचण्याचे लक्ष्य अधिक बळकट झाले आहे. 31 डिसेंबर 2025 पर्यंत एथर एनर्जीकडे आधीच 600 एक्स्पीरियन्स सेंटर होते.

सर्व्हिस विस्तारासोबतच कंपनी भारतातील ईव्ही इकोसिस्टम अधिक मजबूत करत आहे. एथर ग्रिड, देशातील सर्वात मोठे दोन-चाकी फास्ट-चार्जिंग नेटवर्क, 31 डिसेंबर 2025 पर्यंत 4,357 पेक्षा जास्त फास्ट-चार्जिंग पॉइंट्स आणि नेबरहूड चार्जर्ससह उपलब्ध आहे. यामुळे रायडर्सना सोयीस्कर चार्जिंग सुविधा मिळते आणि त्यांना सर्वसमावेशक सपोर्ट मिळतो.

---------------

हिंदुस्थान समाचार / हर्षदा गावकर