जम्मू, 19 मार्च (हिं.स.) : जम्मू सेंट्रल को-ऑपरेटिव बँकेत मोठ्या आर्थिक घोटाळ्याचा प्रकार समोर आला असून, मुख्य कार्यालयातील काही कर्मचाऱ्यांवर विविध शाखांतील खातेदारांच्या खात्यांतून सुमारे 1.77 कोटी रुपये अपहार केल्याचा आरोप करण्यात आला आहे.

प्राथमिक चौकशीत असे समोर आले आहे की, संबंधित कर्मचाऱ्यांनी डिजिटल व्यवहारांच्या माध्यमातून ही रक्कम बेकायदेशीररीत्या काढली. हा प्रकार उघड होताच बँक व्यवस्थापनाने तातडीने कारवाई करत तीन कर्मचाऱ्यांना निलंबित केले आहे.या प्रकरणी बँकेने अधिकृत तक्रार नोंदवून हा तपास जम्मू क्राइम ब्रांचकडे सोपवला आहे. सध्या या प्रकरणाची सखोल चौकशी सुरू असून, तपास यंत्रणांच्या मते अपहाराची रक्कम आणखी वाढण्याची शक्यता आहे.

माहितीनुसार, आरोपींनी वेगवेगळ्या शाखांतील खात्यांना लक्ष्य करून नियोजनबद्ध पद्धतीने हा गैरप्रकार केला. बँक व्यवस्थापनाने खातेदारांना दिलासा देत निष्पक्ष चौकशी करून दोषींवर कठोर कारवाई केली जाईल, असे आश्वासन दिले आहे.या घटनेमुळे बँकिंग व्यवस्थेवर प्रश्नचिन्ह उपस्थित झाले असून, खातेदारांमध्ये चिंतेचे वातावरण निर्माण झाले आहे. संपूर्ण तपास पूर्ण झाल्यानंतरच या घोटाळ्याचे नेमके स्वरूप स्पष्ट होईल.

---------------------

हिंदुस्थान समाचार / मनीष कुलकर्णी