मुंबई, 28 मार्च (हिं.स.)। गूगलने आपल्या जेमिनी एपमध्ये एक महत्त्वपूर्ण नवीन फीचर लॉन्च केले आहे. या फीचरमुळे यूजर्सना इतर आर्टिफिशियल इंटेलिजन्स चॅटबॉट्समधून सहजपणे जेमिनीमध्ये माइग्रेट करता येणार आहे. आतापर्यंत एआय बदलताना यूजर्सना पुन्हा सुरुवातीपासून आपली माहिती, आवडी-निवडी आणि संभाषण तयार करावे लागत होते, मात्र आता ‘मेमरी इम्पोर्ट’मुळे हा त्रास मोठ्या प्रमाणात कमी होणार आहे.

गूगलने आपल्या ब्लॉग पोस्टमध्ये सांगितले की, हे नवीन फीचर यूजर्सच्या इंटरेस्ट, रिलेशनशिप आणि पर्सनल प्रेफरन्सेस पटकन समजून घेण्यास मदत करेल. यामुळे जेमिनी सुरुवातीपासूनच अधिक अचूक आणि पर्सनलाइज्ड उत्तर देऊ शकणार आहे. त्यामुळे यूजर्सना नव्याने सेटअप करण्याची गरज भासणार नाही आणि त्यांचा अनुभव अधिक स्मूथ होणार आहे.

या फीचरचा वापर करण्यासाठी यूजर्सना जेमिनी एप किंवा वेबमध्ये सेटिंग्स सेक्शनमध्ये जावे लागेल. त्यानंतर इम्पोर्ट ऑप्शन निवडून एक प्रॉम्प्ट जनरेट करावा लागेल. हा प्रॉम्प्ट जुना एआय चॅटबॉटमध्ये पेस्ट केल्यावर तो यूजर्सच्या आवडी-निवडींचा सारांश तयार करेल. हा सारांश पुन्हा जेमिनीमध्ये कॉपी-पेस्ट करून सेव करता येतो. जेमिनी या डेटाचे विश्लेषण करून पुढील संवाद अधिक प्रभावी बनवते.

याशिवाय, यूजर्सना पूर्ण चॅट हिस्ट्री ट्रान्सफर करण्याची सुविधा देखील देण्यात आली आहे. दुसऱ्या एआय सर्विसमधून एक्सपोर्ट केलेली झिप फाइल जेमिनीमध्ये अपलोड करता येते. त्यामुळे जुने संभाषण पुढे चालू ठेवणे, सर्च करणे आणि त्यावर आधारित नवीन माहिती मिळवणे अधिक सोपे होते.

गूगलने ‘पास्ट चॅट्स’ या फीचरचे नाव बदलून ‘मेमरी’ असे ठेवले आहे. हा बदल जेमिनीच्या पर्सनलाइज्ड अनुभवावर अधिक भर देतो. हे सर्व टूल्स फ्री आणि पेड दोन्ही प्रकारच्या यूजर्ससाठी रोलआउट करण्यात आले असून, ते सेटिंग्स पेजवर उपलब्ध आहेत.

या अपडेटमुळे गूगलला चॅटजीपीटी आणि क्लॉड सारख्या स्पर्धकांशी अधिक प्रभावीपणे स्पर्धा करता येणार आहे. अनेक यूजर्स एआय बदलताना कचरतात, कारण त्यांना पुन्हा सर्व माहिती द्यावी लागते. मात्र, ‘मेमरी इम्पोर्ट’ फीचरमुळे आता काही क्लिकमध्येच जुनी माहिती आणि संभाषण जेमिनीमध्ये आणता येणार असल्याने यूजर्सचा वेळ वाचणार आहे आणि त्यांचा अनुभव अधिक सातत्यपूर्ण होणार आहे.

---------------

हिंदुस्थान समाचार / Suraj Chaugule