सोलापूर, 12 एप्रिल (हिं.स.)।

एप्रिल महिन्याच्या सुरुवातीपासूनच सोलापूरकरांना उन्हाच्या तीव्र झळा सोसाव्या लागत आहेत. २७ मार्चनंतर तापमानाचा आलेख सातत्याने चढता राहिला असून, आज 12 एप्रिल रोजी सोलापूरचा पारा ४१.४° सेल्सिअस (१०६.५° फॅरनहाइट) या मोसमातील सर्वोच्च पातळीवर पोहोचला आहे. दुपारच्या वेळी रस्ते ओस पडू लागले असून, जणू काही 'आकाशातून आग' बरसत असल्याचा अनुभव नागरिक घेत आहेत.तापमानाची सद्यस्थिती आणि आकडेवारी

आजच्या नोंदीनुसार सोलापूरचे हवामान खालीलप्रमाणे

कमाल तापमान: ४१.४°से (१०६.५°फॅ)किमान तापमान: २५.१°से (७२.२°फॅ)हवेतील आर्द्रता: ३१% (कोरड्या हवेमुळे चटके अधिक तीव्र)दुपारी १२ ते संध्याकाळी ५ या काळात शहरात 'हॉट ओव्हन' सारखी स्थिती निर्माण होत आहे. किमान तापमानही २५ अंशांच्या वर गेल्याने रात्रीच्या वेळीही उकाडा कायम राहत आहे.

हवामान तज्ज्ञांच्या मते, सोलापूरच्या भौगोलिक परिस्थितीमुळे एप्रिल आणि मे महिन्यात येथे तापमान वाढणे स्वाभाविक असले, तरी यंदा हे प्रमाण लवकर वाढले आहे.उष्णतेची लाट: पुढील ४८ ते ७२ तासांत विदर्भ आणि लगतच्या मराठवाड्यात उष्णतेची लाट येण्याची शक्यता आहे, ज्याचा थेट परिणाम सोलापूरच्या तापमानावर होईल. हवामान विभागाच्या अंदाजानुसार, पुढील आठवड्यात सोलापूरच्या तापमानात आणखी वाढ होण्याची शक्यता आहे. येत्या ४-५ दिवसांत पारा ४२°से ते ४३°से पर्यंत जाण्याची चिन्हे आहेत. सध्यातरी अधिकृत 'उष्णतेची लाट' जाहीर झाली नसली तरी, तापमानातील ही सातत्यपूर्ण वाढ लाटेसारखीच परिस्थिती निर्माण करत आहे. एप्रिलचा उत्तरार्ध आणि पूर्ण मे महिना सोलापूरकरांसाठी अधिक कडक उन्हाचा असणार आहे. आरोग्य विभागाचा 'रेड अलर्ट': काय करावे आणि काय टाळावे? वाढत्या तापमानामुळे 'उष्माघात' होण्याचा धोका सर्वाधिक असतो. शरीरातील पाण्याचे प्रमाण कमी झाल्याने चक्कर येणे किंवा शुद्ध हरपण्याचे प्रकार घडू शकतात.

---------------

हिंदुस्थान समाचार / यशपाल गायकवाड