नवी दिल्ली, 13 एप्रिल (हिं.स.)। पश्चिम आशियात सुरू असलेल्या संकटाचा आणि अमेरिका व इराण यांच्यातील शांतता चर्चेचा कोणताही तोडगा न निघाल्याचा परिणाम कच्च्या तेलाच्या किमतींवर दिसू लागला आहे. सोमवारी कच्च्या तेलाचा दर 104 डॉलर प्रति बॅरलच्या पुढे गेला, जेव्हा अमेरिकेचे राष्ट्राध्यक्षांनी होर्मुजपर्यंत जहाजांची पोहोच रोखण्यासाठी पावले उचलण्याची घोषणा केली.

आंतरराष्ट्रीय बाजारात सुरुवातीच्या व्यवहारात ब्रेंट क्रूड सुमारे 8 टक्क्यांच्या वाढीसह 104 डॉलर प्रति बॅरलच्या पुढे पोहोचले, तर यूएस बेंचमार्क वेस्ट टेक्सास इंटरमीडिएट (डब्ल्यूटीआय) क्रूडमध्ये 8.61 टक्क्यांची वाढ झाली आहे. सध्या ब्रेंट क्रूडचा भाव 7.07 डॉलर म्हणजेच 7.43 टक्क्यांच्या वाढीसह 102.3 डॉलर प्रति बॅरल या स्तरावर व्यवहार करत आहे. त्याचप्रमाणे डब्ल्यूटीआय क्रूड 8.32 डॉलर म्हणजेच 8.62 टक्क्यांच्या उसळीने 104.2 डॉलरपर्यंत पोहोचले आहे.

तज्ज्ञांचे म्हणणे आहे की ऑईल मार्केट पुन्हा संघर्षविरामापूर्वीच्या स्थितीत पोहोचले आहे. फक्त एवढाच फरक आहे की आता अमेरिका इराणच्या तेल निर्यातीवर बंदी घालण्याच्या तयारीत आहे, आणि होर्मुज सामुद्रधुनीतून जहाजांची वाहतूक बंद झाल्यामुळे खाडीतील देशांना त्यांचे तेल निर्यात करता येत नाही. याला जगातील सर्वात मोठा तेल संकट मानले जात आहे. इराण दररोज सुमारे दोन दशलक्ष बॅरल तेल निर्यात करत होता. जर होर्मुज बंदच राहिला, तर यामुळे जगभरात कच्च्या तेलाच्या पुरवठ्यावर आणखी ताण निर्माण होईल.

---------------

हिंदुस्थान समाचार / Suraj Chaugule