बीजिंग , 14 एप्रिल (हिं.स.)।चीनचे राष्ट्राध्यक्ष शी चिनफिंग यांनी मध्य पूर्वेमध्ये वाढत्या तणावाच्या पार्श्वभूमीवर प्रादेशिक शांततेसाठी चार सूत्रीय शांतता प्रस्ताव मांडला आहे. अबू धाबीचे क्राउन प्रिन्स शेख खालिद बिन मोहम्मद बिन जायद अल नाहयान यांच्यासोबत मंगळवारी झालेल्या भेटीत त्यांनी हा प्रस्ताव सादर केला. हा प्रस्ताव अशा वेळी समोर आला आहे, जेव्हा अमेरिका आणि इराण यांच्यात पाकिस्तानमध्ये झालेली चर्चा अपयशी ठरली आहे आणि युद्धविराम संपण्यापूर्वी नव्या चर्चेच्या शक्यता शोधल्या जात आहेत.

शी चिनफिंग यांच्या चार सूत्रीय योजनेतील पहिला मुद्दा म्हणजेमध्य पूर्व आणि खाडी देशांमध्ये शांततापूर्ण सहअस्तित्वाचा सिद्धांत आहे. प्रादेशिक देशांशी संबंध सुधारून स्थिर सुरक्षा ढाचा उभारण्याचे आवाहन. राष्ट्रीय सार्वभौमत्वाचा आदर राखण्यावर आणि त्याचे कोणत्याही परिस्थितीत उल्लंघन न करण्यावर भर. संयुक्त राष्ट्रांना केंद्रस्थानी ठेवून आंतरराष्ट्रीय व्यवस्था अधिक बळकट करण्यावर जोर. विकास आणि सुरक्षेला प्राधान्य देण्याचा आग्रह .

चीनने अमेरिका द्वारे इराणी बंदरांवरील नाकेबंदीला धोकादायक असल्याचे म्हटले आहे. अमेरिकेचे राष्ट्राध्यक्ष डोनाल्ड ट्रम्प यांनी इराणी बंदरांकडे येणाऱ्या-जाणाऱ्या जहाजांना बुडवण्याची धमकी दिली होती. त्यावर प्रत्युत्तर म्हणून इराणने हॉर्मुज जलडमरूमध्य बंद केला असून, केवळ चीनसारख्या मित्र देशांच्या जहाजांना तिथून जाण्याची परवानगी दिली जात आहे.

चीनच्या परराष्ट्र मंत्रालयाचे प्रवक्ते गुओ जियाकुन यांनी ट्रम्प यांच्या 50 टक्के टॅरिफच्या धमकीला ‘पूर्णपणे मनगढंत’ असे म्हटले आहे. तसेच, अमेरिका अधिक टॅरिफ लादल्यास चीन त्याला कडक प्रत्युत्तर देईल, असा इशाराही त्यांनी दिला आहे. ट्रम्प पुढील महिन्यात बीजिंग दौऱ्यावर जाणार आहेत.

---------------

हिंदुस्थान समाचार / Priyanka Bansode