-१५ मे रोजी चित्रपटगृहांमध्ये होणार प्रदर्शित

मुंबई, 20 एप्रिल (हिं.स.)। टी-सीरीज आणि बीआर स्टुडिओजच्या बहुप्रतिक्षित कॉमेडी ड्रामा 'पती पत्नी और वो दो' चा टीझर प्रदर्शित झाला आहे. या टीझरमध्ये हास्य, गोंधळ आणि नात्यांमधील गमतीशीर गुंतागुंतीची झलक पाहायला मिळते. हा चित्रपट 'पती पत्नी और वो' या क्लासिक कथेला एक नवीन वळण देऊन अधिक मनोरंजक बनवतो.

टीझरमध्ये आयुष्मान खुराना प्रजापती पांडेच्या भूमिकेत आहे, जो एकाच वेळी तीन स्त्रियांच्या मध्ये अडकतो. सारा अली खान, वामिका गब्बी आणि रकुल प्रीत सिंग यांनी ही पात्रे साकारली आहेत. वाढत्या गैरसमजांच्या दरम्यान, विजय राझची पोलीस अधिकारी म्हणून एन्ट्री कथेमध्ये आणखी विनोद निर्माण करते.

या चित्रपटाचे दिग्दर्शन मुदस्सर अझीझ यांनी केले असून भूषण कुमार, रेणू रवी चोप्रा आणि क्रिशन कुमार यांनी निर्मिती केली आहे. चित्रपटाकडून प्रेक्षकांना कौटुंबिक मनोरंजनाचा आणि विनोदाचा पुरेपूर डोस मिळेल, अशी निर्मात्यांना आशा आहे. पती पत्नी और वो दो १५ मे रोजी चित्रपटगृहांमध्ये प्रदर्शित होईल.

---------------

हिंदुस्थान समाचार / Suraj Chaugule