तेहरान , 21 एप्रिल (हिं.स.)। अमेरिकेचे राष्ट्राध्यक्ष डोनाल्ड ट्रम्प यांनी उपराष्ट्राध्यक्ष जेडी वॅन्स यांच्या नेतृत्वाखाली वाटाघाटींसाठी एक पथक इस्लामाबादला पाठवण्याची तयारी दाखवली असली, तरी इराणला आता अमेरिकेसोबत शांतता चर्चेत कोणतीही रस उरलेला नाही. यामागचे कारण इराणने आधीच स्पष्ट केले आहे. इराणने वारंवार सांगितले आहे की धमक्या आणि चर्चा एकाच वेळी होऊ शकत नाहीत. तसेच, जोपर्यंत अमेरिका इराणी बंदरांवरील नाकेबंदी हटवत नाही, तोपर्यंत कोणत्याही प्रकारच्या चर्चा शक्य नाहीत, असेही इराणने स्पष्ट केले आहे.

आता इराणने पुन्हा एकदा स्पष्ट केले आहे की अमेरिकेसोबत पुढील फेरीची चर्चा करण्याची तेहरानची कोणतीही योजना नाही. इराणच्या परराष्ट्र मंत्रालयाचे प्रवक्ते इस्माईल बघाई यांनी सांगितले की, तेहरानची अमेरिकन प्रतिनिधींशी आणखी एका फेरीची चर्चा करण्याची कोणतीही योजना नाही. त्यांनी असेही म्हटले की, जर अमेरिका इस्लामाबादमध्ये कोणतेही पथक पाठवत असेल, तर तो त्यांचा स्वतःचा विषय आहे.

इराणच्या परराष्ट्र मंत्रालयाने स्पष्ट केले आहे की, इस्लामाबादमध्ये अमेरिकेसोबत पुढील फेरीच्या चर्चेसाठी तेहरानने आपले कोणतेही प्रतिनिधीमंडळ पाठवलेले नाही. इराणचे म्हणणे आहे की अमेरिका वारंवार आपल्या आश्वासनांपासून मागे हटते. जोपर्यंत इराणी बंदरांवरील अमेरिकन नौदलाची नाकेबंदी हटवली जात नाही आणि डोनाल्ड ट्रम्प यांच्या धमक्या थांबत नाहीत, तोपर्यंत तेहरान अमेरिकेसोबत चर्चेसाठी इच्छुक नाही.

---------------

हिंदुस्थान समाचार / Priyanka Bansode