नवी दिल्ली, 22 एप्रिल (हिं.स.)। राष्ट्रपती भवनातील ‘चेंज ऑफ गार्ड’ समारंभाच्या वेळेत बदल करण्यात आला आहे. हा समारंभ दर शनिवारी राष्ट्रपती भवनाच्या प्रांगणात आयोजित केला जातो. या आठवड्यापासून याचा वेळ सकाळी ७:३० ते ८:३० असा करण्यात आला आहे.

राष्ट्रपती सचिवालयाच्या माहितीनुसार, हा बदल २५ एप्रिलपासून लागू होणार आहे. या समारंभात राष्ट्रपतींच्या अंगरक्षकांचा (प्रेसिडेंट्स बॉडीगार्ड अर्थात पीबीजी) नवा ताफा जुन्या ताफ्याकडून कार्यभार स्वीकारतो. त्यांच्या वैशिष्ट्यपूर्ण वर्दी, उंच घोडे आणि बँडच्या सुरावटींसह सादर होणाऱ्या अचूक लष्करी तालमेलामुळे हा कार्यक्रम पर्यटकांमध्ये अत्यंत लोकप्रिय आहे. उल्लेखनीय म्हणजे, हा समारंभ भव्य लष्करी परंपरेचा भाग आहे.

---------------

हिंदुस्थान समाचार / Suraj Chaugule