मुंबई, 18 मे (हिं.स.) : नॅशनल स्टॉक एक्स्चेंज ऑफ इंडियाने (NSE) आज, १८ मे २०२६ पासून इलेक्ट्रॉनिक गोल्ड रिसिट्स (EGR) क्षेत्रात थेट (लाइव्ह) व्यवहारांना सुरुवात केली आहे. शनिवार, १६ मे २०२६ रोजी घेण्यात आलेल्या सर्वसमावेशक मॉक ट्रेडिंगच्या (सराव व्यवहार) यशस्वी आयोजनानंतर हा शुभारंभ करण्यात आला आहे. ही सराव प्रक्रिया कोणतीही त्रुटी किंवा प्रणालीतील त्रुटींशिवाय पूर्ण झाली होती, आणि त्यानुसार सर्व यंत्रणा पूर्वनियोजित रचनेनुसार सुरळीतपणे काम करत असून थेट व्यवहारांना सुरुवात झाली आहे.

एनएसईकडे सध्या अहमदाबाद आणि मुंबई येथे व्हॉल्टिंग (सुरक्षित साठवणूक) आणि संकलन केंद्रे कार्यरत आहेत, तर दिल्ली, कोलकाता, चेन्नई आणि बंगळुरू येथील आणखी चार अतिरिक्त केंद्रे आजपासून सक्रिय केली जात आहेत. एनएसई आगामी काळात टप्प्याटप्प्याने आणखी केंद्रांची घोषणा करणार असून, येत्या काळात या केंद्रांचे जाळे देशभरात १२० केंद्रांपर्यंत विस्तारले जाईल.

---------------

हिंदुस्थान समाचार / सुधांशू जोशी